سپورتشىنىڭ سوزىنشە, ونىڭ ۇسىنعان دالەلدەرى مۇلدە قابىلدانباعان.
«دوستار, ناۋرىز مەرەكەسى كۇندەرى دوپينگكە قارسى CAS دەپارتامەنتىنىڭ 2016 جىلى الىنعان باقىلاۋ سىناماسىنا قاتىستى شەشىمى كوڭىلىمدى ءتۇسىرىپ جىبەردى. بىلتىر تامىز ايىنداعى تىڭداۋلار كەزىندە ول جاعدايعا ەش قاتىسىم جوق ەكەنىن ايتتىم. وكىنىشكە قاراي اربيتر دالەلدەرىمدى قابىلداماپتى», دەپ جازدى Instagram-داعى پاراقشاسىندا نيجات راحىموۆ.
سپورتشى سىناما العان مامانداردىڭ ارەكەتىنە قۇقىقتىق باعا بەرىلمەگەنىن دە جەتكىزدى.
«وسى جۇمىسقا جاۋاپتى بولعان ادامداردىڭ ارەكەتىنە باعا بەرىلمەگەنى وكىنىشتى. نەگىزى سۇراقتىڭ ءبارى سولارعا جانە ولاردىڭ باسشىلارىنا قويىلۋى كەرەك. ولاردىڭ قولى تازا ەمەس ەكەنىن ۋاقىت كورسەتتى عوي. سۇراق كوپ, بىراق جاۋاپ جوق. سوندىقتان مەن وسى شەشىمگە ءۇزىلدى-كەسىلدى قارسىمىن», دەپ جازدى سپورتشى جەلىدەگى پاراقشاسىندا.
ونىڭ ايتۋىنشا, وليمپيادا ويىندارى كەزىندە الىنعان سىناماعا قاتىستى ەشقانداي ماسەلە تۋىنداعان جوق. سوعان قاراماستان, التىن مەدالدى الىپ قويۋعا شەشىم شىعارىلدى.
«سول سەبەپتى مەن بۇل شەشىمگە ارىزدانۋعا مۇددەلىمىن», دەپ جازدى نيجات راحيموۆ.
ايتا كەتەيىك, اۋىر اتلەت نيجات راحيموۆ 2016 جىلعى ريو وليمپياداسىنىڭ التىنىنان ايىرىلىپ, 8 جىلعا سپورتتان شەتتەتىلدى.
