CNN مالىمەتتەرى بويىنشا, ەكس-مەملەكەتتىك حاتشى قاتەرلى ىسىكتەن قايتىس بولعان.
ولبرايتتىڭ ءولىمى تۋرالى اقپاراتتى سارسەنبىدە وتكەن بريفينگتە مەملەكەتتىك دەپارتامەنتتىڭ ءباسپاسوز قىزمەتىنىڭ جەتەكشىسى نەد پرايس راستادى. ونىڭ ايتۋىنشا, قازىر ەۋروپاعا بارا جاتقان اقش پرەزيدەنتى دجو بايدەن ەكس-مەملەكەتتىك حاتشىنىڭ قايتىس بولعانى تۋرالى حابارلانعان.
ولبرايتتىڭ Twitter-دەگى پاراقشاسىندا تۋىستارىنىڭ ۇندەۋى دە جاريالاندى. ولار اقش-تىڭ بۇرىنعى مەملەكەتتىك حاتشىسى قاتەرلى ىسىكتەن قايتىس بولعانىن راستادى.
«ول وتباسى مەن دوستارىنىڭ ورتاسىندا بولدى. بۇگىن ءبىز سۇيىكتى انامىزدى, اجەمىزدى, قارىنداسىمىزدى, تاتەمىزدى جانە دوسىمىزدى جوعالتتىق», دەلىنگەن جازبادا.
ولبرايت امەريكالىق سىرتقى ساياسات ءبولىمىنىڭ باستىعى لاۋازىمىنا تاعايىندالعان العاشقى ايەل بولاتىن.
