جالپى, قازاقستان توپىراعى كيەلى, قۇنارلى. قورشاعان ورتانىڭ بۇتىندىگىن ساقتاۋ ءۇشىن, ادامنىڭ, ونىڭ مورالدىق, ەتيكالىق داعدىلارىن وزگەرتىپ, تابيعات پەن ادام اراسىندا جاڭا كوزقاراس قالىپتاستىرۋ قاجەت. ءاربىر قوعام مۇشەسى تابيعات قۇبىلىستارى زاڭدىلىقتارىمەن تانىس بولۋى كەرەك. ەكولوگيالىق ساۋاتسىزدىقتى جويۋ ۇكىمەتىمىزدىڭ حالىق اراسىندا جۇرگىزەتىن ماڭىزدى ماسەلەلەرىنە اينالۋى ءتيىس.
تابيعاتتى قورعاۋ قاراپايىم دۇنيەدەن باستالادى دەپ ويلايمىن. ماسەلەن, جاس ۇرپاقتى تابيعاتتى قورعاۋعا تاربيەلەۋ ۇلتتىق نەگىزدەگى بالاباقشادان باستالادى. تابيعات پەن قورشاعان ورتانى قورعاۋدىڭ جولدارىن ۇعىندىرۋ, جالپى حالىقتىڭ ەكولوگيالىق ساۋاتىن اشۋ, جاستارعا ۇزدىكسىز ءبىلىم بەرۋ ناتيجەسىندە عانا شەشىلەدى. ءبىز ءبارىمىز دە تابيعاتتى قورعاۋدا, ساقتاۋدا جانە ونى دۇرىس پايدالانۋدا ۇرپاق الدىندا, تاريح الدىندا جاۋاپتىمىز.
مىنە, وسى تۇرعىدان بارلىق جەتكىنشىككە ەكولوگيالىق تاربيە مەن ءبىلىم بەرۋ – ولاردىڭ دۇرىس دۇنيە تانۋ كوزقاراسىن قالىپتاستىرادى. قاشان دا تابيعاتتى ايالايىق. ول وكتەمدىكتى كوتەرمەيدى. تابيعاتقا ادال بولايىق, ال ادالدىق تابيعات ۇيلەسىمىندەگى قاتىناستاردىڭ شىنايىلىعى مەن تابيعيلىعىن ايقىندايتىن كاتەگوريا ەكەنى ءسوزسىز. «تابيعاتسىز ادامزاتتىڭ كۇنى جوق, ونى ايتۋعا تابيعاتتىڭ ءتىلى جوق» دەپ حالىق دانالىعىندا ايتىلعانداي, تابيعاتتى قورعاۋ ءبىزدىڭ مىندەتىمىز, بولاشاق ۇرپاققا قالدىرار بايلىعىمىز. سوندىقتان تابيعاتتىڭ جاناشىرى بولۋ ءار ادامنىڭ مىندەتتى بورىشى ەكەنىن ءبىلىپ جۇرەيىك!
باعدات ابدراحمانوۆ,
«تارباعاتاي» مەملەكەتتىك ۇلتتىق تابيعي پاركىنىڭ ورمان شەبەرى
شىعىس قازاقستان وبلىسى
