كاسىپورىن تاراتقان دەرەكتەرگە قاراعاندا, بەلسەندى سولتۇستىك-باتىس تسيكلونى قازاقستاننىڭ باسىم بولىگىنە جاۋىن-شاشىن اكەلەدى. رەسپۋبليكا بويىنشا جەل كۇشەيىپ, سولتۇستىك پەن شىعىستا بۇرقاسىن, وڭتۇستىكتە تۇمان ءتۇسىپ, كوكتايعاق بولادى.
اقمولا وبلىسىنىڭ باسىم بولىگىندە جەلدىڭ كۇشى سەكۋندىنا 15-20 مەترگە جەتىپ, سولتۇستىك-باتىسى مەن وڭتۇستىك-شىعىسىندا ەكپىنى 23-28 م/س بولادى, تۇندە سولتۇستىك-باتىسى مەن شىعىسىندا, كۇندىز باسىم بولىگىندە بۇرقاسىن بولادى. سولتۇستىك قازاقستان وبلىسىندا جەلدىڭ كۇشى سەكۋندىنا 15-20 مەترگە جەتەدى, كۇندىز شىعىسىندا ەكپىنى 23-28 م/س بولادى, سولتۇستىگى, باتىسى مەن شىعىسىندا جاياۋ بۇرقاسىن سوعادى.
تۇندە پاۆلودار وبلىسىنىڭ وڭتۇستىگى مەن باتىسىندا, كۇندىز باسىم بولىگىندە جەلدىڭ جىلدامدىعى سەكۋندىنا 15-20 مەتر, كۇندىز ورتالىعىندا ەكپىنى 23-28 م/س-قا جەتەدى. شىعىسى مەن سولتۇستىگىندە جاياۋ بۇرقاسىن سوعادى.
قاراعاندى وبلىسىنىڭ سولتۇستىك جارتىسىندا جەلدىڭ جىلدامدىعى سەكۋندىنا 15-20 مەترگە جەتەدى, ەكپىنى 23 م/س بولادى, سولتۇستىگى مەن شىعىسىندا جاياۋ بۇرقاسىن سوعادى, وڭتۇستىگىندە تۇمان تۇسەدى.
شىعىس قازاقستان وبلىسىنىڭ سولتۇستىك-باتىسى, باتىسى مەن سولتۇستىك-شىعىسىندا جەلدىڭ جىلدامدىعى سەكۋندىنا 15-20 مەتر, ەكپىنى 23 م/س بولادى جانە جاياۋ بۇرقاسىن سوعادى.
قوستاناي وبلىسىنىڭ تۇندە سولتۇستىگى مەن وڭتۇستىگىندە, كۇندىز باسىم بولىگىندە جەل سەكۋندىنا 15-20 مەتر جىلدامدىقپەن ەسەدى, كۇندىز وڭتۇستىگىندە ەكپىنى 23 م/س بولادى, شىعىسى مەن وڭتۇستىگىندە جاياۋ بۇرقاسىن سوعادى, باتىسىندا تۇمان ءتۇسىپ, كوكتايعاق بولادى.
الماتى وبلىسىنىڭ سولتۇستىگى, تاۋلى, تاۋ بوكتەرلى اۋداندارىندا تۇمان ءتۇسىپ, كوكتايعاق بولادى, وڭتۇستىگى مەن شىعىسىندا جەل سەكۋندىنا 15-20 مەتر جىلدامدىقپەن سوعادى, ەكپىنى 23 م/س-كە دەيىن كۇشەيۋى ىقتيمال. جامبىل وبلىسىنىڭ وڭتۇستىگى, سولتۇستىك-شىعىسى مەن تاۋلى اۋداندارىندا تۇمان ءتۇسىپ, كوكتايعاق بولادى, جەلدىڭ جىلدامدىعى سەكۋندىنا 15-20 مەترگە جەتەدى, كەي ۋاقىتتاردا 25 م/س-كە دەيىن كۇشەيۋى ىقتيمال.
تۇركىستان وبلىسىنىڭ سولتۇستىگى مەن تاۋلى اۋداندىراندا تۇمان ءتۇسىپ, تاۋلى اۋدارىندا جەلدىڭ جىلدامدىعى سەكۋندىنا 15-20 مەترگە جەتەدى.
اقتوبە وبلىسىنىڭ سولتۇستىك-شىعىسىندا جەل 15-20 م/س جىلدامدىقپەن ەسەدى, تۇندە جانە تاڭەرتەڭ ورتالىعى مەن وڭتۇستىگىندە تۇمان تۇسەدى.
اتىراۋ, باتىس قازاقستان وبلىستارىنىڭ باتىسى مەن سولتۇستىگىندە تۇمان, اتىراۋ وبلىسىنىڭ باتىسى مەن سولتۇستىگىندە كوكتايعاق بولادى.
