كەزدەسۋگە قاتىسۋشىلار الەمدە قالىپتاسىپ وتىرعان قازىرگىدەي جاعدايدا ەۋروپالىق وداقتىڭ, قاتىسۋشى ەلدەردىڭ جانە ەو بيزنەس-قۇرىلىمدارىنىڭ قازاقستان رەسپۋبليكاسىمەن ىنتىماقتاستىعىن دامىتۋ ماسەلەلەرىن قوزعادى.
ەۋروپالىق وداقتىڭ قازاقستان رەسپۋبليكاسىنداعى ەلشىسى كەستۋتيس يانكاۋسكاس ء«وزارا قاتىناستىڭ بارلىق سالالارىندا ءبىز ينۆەستيتسيالاردىڭ ەكولوگيالىق, الەۋمەتتىك, ەكونوميكالىق جانە قارجىلىق تۇرعىدان تۇراقتىلىعىن قامتاماسىز ەتۋگە شاقىرامىز. ورنىقتى ءوزارا بايلانىس ءبىزدىڭ ىنتىماقتاستىق باعدارلامالارىمىزدىڭ نەگىزگى باسىمدىعى بولادى», دەدى ءوز سوزىندە.
فرانتسۋز رەسپۋبليكاسىنىڭ قازاقستانداعى ەلشىسى ديدە كانەسس «قازاقستانداعى تازا جانە ءتيىمدى تەمىرجول سەكتورىنا ارنالعان جاسىل سۋتەگى» تاقىرىبىندا بايانداما جاسادى. وندا قازاقستان ۇزىندىعى 16 000 شاقىرىم ءىرى تەمىرجول جەلىسى بار الەمدەگى اۋماعى جاعىنان توعىزىنشى ەل ەكەنىنە توقتالدى.
ديدە كانەسس «تەمىرجول ارقىلى جۇك تاسىمالىنىڭ ۇنەمى ارتۋى ولاردىڭ دەكاربونيزاتسياسى ءۇشىن قولجەتىمدى قۇرالدار تۋرالى ماسەلەنى تۋىنداتادى. وسى تۇرعىدان العاندا, پرەزيدەنت ق. توقاەۆتىڭ «جاسىل سۋتەگىنىڭ ونەركاسىپتىك كلاستەرىن» دامىتۋ باسىمدىققا يە» دەگەن باعاسى وزەكتى ەكەنىن» اتاپ كورسەتتى.
ەلشى فرانتسۋز جانە ەۋروپالىق كومپانيالاردىڭ قازاقستانمەن وسى سالاداعى ىنتىماقتاستىقتى تەرەڭدەتۋگە دايىن ەكەنىن راستادى, سونداي-اق بۇل قازاقستانعا جاڭا تەحنولوگيالاردىڭ كومەگىمەن «ەكولوگيالىققا» ءوتۋ ءۇشىن مۇمكىندىكتەر بەرە وتىرىپ, تەمىرجول سەكتورىنىڭ الەۋەتىن تولىق كولەمدە پايدالانۋعا جانە جاسىل جىبەك جولى قۇرىلىسىندا كوشباسشى ەل بولۋعا جول اشاتىنىن ايتتى.
سونداي-اق ترانزيتتىك الەۋەتتى دامىتۋ جانە قازاقستان تەمىر جولدارىن جاڭعىرتۋ تاقىرىبىن قازاقستانداعى يسپانيا كورولدىگىنىڭ ەلشىسى حورحە ۋربيولا دا قولدادى.
«قازاقستاننىڭ قازىرگى تاڭدا ءىرى وڭىرلىك ترانزيتتىك توراپتاردىڭ بىرىنە اينالۋعا بىرەگەي مۇمكىندىگى بار», دەدى ول.
بۇعان قوسا, «قازاقستان-ەۋرووداق» ديالوگ پلاتفورماسىنىڭ توعىزىنشى وتىرىسى اياسىندا مىناداي شەتەلدىك كومپانيالار وكىلدەرىنىڭ: «قتج» ۇك» اق-مەن ىنتىماقتاستىقتى كەڭەيتۋ مۇمكىندىكتەرى تۋرالى DB Engineering & Consulting GmbH; قازاقستانداعى ۇيالى بايلانىستىڭ پەرسپەكتيۆالارى جانە كيبەرنەتيكالىق قاۋىپسىزدىك ماسەلەلەرى بويىنشا VEON/KaR-Tel كومپانياسىنىڭ باياندامالارى تىڭدالدى.
كەزدەسۋ سوڭىندا قر پرەمەر-ءمينيسترى ءاليحان سمايىلوۆ 2021 جىلدىڭ قورىتىندىسى بويىنشا قازاقستان مەن ەۋروپالىق وداق ەلدەرى اراسىنداعى ءوزارا ساۋدا كولەمىنىڭ $28,9 ملرد دەيىن ارتقانىن اتاپ ءوتتى, بۇل 2020 جىلعى كورسەتكىشكە قاراعاندا 21,4%-عا جوعارى.
ء«بىز جاڭا ۇسىنىستاردى تالقىلاۋعا جانە قازىرگى گەوساياسي كونيۋنكتۋرا جاعدايىندا بارىنشا جۇمىس ىستەۋگە دايىنبىز. ءبىز ستراتەگيالىق ماقساتتارعا قول جەتكىزۋ ءۇشىن, اسىرەسە جاڭا تاسىلدەر مەن كووپەراتسيالاردى قاجەت ەتەتىن جاڭا سىن-تەگەۋرىندەر كەزىندە بىرلەسكەن جۇمىسىمىزدى ودان ءارى جالعاستىرۋىمىز قاجەت», دەپ تۇيىندەدى ءا. سمايىلوۆ.
