اتىراۋ قالاسى پب كوشى-قون قىزمەتى ءبولىمىنىڭ قىزمەتكەرلەرى «ميگرانت» ءىس-شاراسى بارىسىندا قالا اۋماعىندا زاڭسىز جۇمىس ىستەپ جۇرگەن شەتەلدىكتەردى انىقتادى.
ماسەلەن, وزبەكستان رەسپۋبليكاسىنىڭ 30 ازاماتى قۇرىلىس الاڭىندا ارنايى رۇقسات قۇجاتتارىنسىز قىزمەت ەتىپ جۇرگەن. قازىرگى ۋاقىتتا ولار قابىلداۋ-تاراتۋ ورنىنا قامالدى. جەكە باستارى انىقتالعاننان كەيىن اكىمشىلىك جاۋاپكەرشىلىككە تارتىلاتىن بولادى.
بۇدان باسقا, اتالعان جەدەل ءىس-شارا بارىسىندا پوليتسيا قىزمەتكەرلەرى قالا اۋماعىنداعى قىتاي كومپانيالارىنىڭ ءبىرىنىڭ فيليالىندا مەرزىمى وتكەن ۆيزالىق قۇجاتپەن جۇرگەن 120 قحر ازاماتىن انىقتادى. قازىرگى ۋاقىتتا اكىمشىلىك ءىس-قۇجاتتارى سوت ورگاندارىنا جولداندى.
