«قادىرلى قاۋىم! ارداقتى اعايىن! ەڭ الدىمەن بارشاڭىزدى ۇلىستىڭ ۇلى كۇنىمەن شىن جۇرەكتەن قۇتتىقتايمىن. بۇل تاريحى تەرەڭ ءتول مەرەكەمىز. ءاز-ناۋرىز تابيعاتتى تۇلەتىپ, تىرشىلىككە ءنار بەرەدى. جاڭارۋ مەن جاڭعىرۋعا ۇندەيدى», دەدى قاسىم-جومارت توقاەۆ.
سونداي-اق ول حالىققا جاساعان جولداۋىندا «جاڭا قازاقستاندى» قۇرۋعا جول اشاتىن ماڭىزدى باستامالار ۇسىنعانىن ايتتى.
«مۇنىڭ ءبارى ەلىمىزدە جۇزەگە اسىرىلىپ جاتقان ساياسي رەفورمالاردىڭ زاڭدى جالعاسى. ءبىزدىڭ ماقساتىمىز – ءتيىمدى مەملەكەت جانە ءادىل قوعام قۇرۋ. سونداي-اق حالقىمىزدىڭ ءال-اۋقاتىن ارتتىرىپ, تۇرمىس ساپاسىن جاقسارتۋ. ەڭ باستىسى – قاستەرلى تاۋەلسىزدىگىمىزدى قورعاپ, قازاقستاندى مىقتى مەملەكەتكە اينالدىرۋ», دەدى پرەزيدەنت.
