بۇل جاھاندىق تەندەنتسيالار قازاقستاننىڭ جۇيەلى پروبلەمالارىن انىق كورسەتتى. مۇنداي جاعدايدا سىندارلى وزگەرىستەر مەن ەۆوليۋتسيالىق جاڭعىرۋ عانا قيىندىقتاردى ەڭسەرىپ, ەلىمىزدىڭ تۇراقتى دامۋىن قامتاماسىز ەتەدى. 2022 جىلعى قاڭتار قاسىرەتىن باستان كەشىرگەن قازاقستان حالقى جۇمىلعان جۇدىرىقتاي بىرىگىپ, راديكاليزم مەن ەكسترەميزمگە قارسى تۇردى, پروگرەسس پەن يگى وزگەرىستەردىڭ جالعاسىن تابۋىن قالادى.
قاسىم-جومارت توقاەۆ پرەزيدەنت قىزمەتىنە كىرىسكەن ساتتەن بەرى ەلدە جۇيەلى رەفورمالاردى كەزەڭ-كەزەڭىمەن جۇرگىزىپ كەلەدى. قازىردىڭ وزىندە مەملەكەت پەن قوعامنىڭ بارلىق سالالارىن قامتيتىن كەشەندى رەفورمالار جۇزەگە اسىرىلدى. ەل مەن حالىق الدىندا تاريحي جاۋاپكەرشىلىك العان پرەزيدەنت قازاقستان حالقىنا جولداۋىن جاريالاپ, ەلىمىزدى ساياسي, ەكونوميكالىق جانە الەۋمەتتىك تۇرعىدا رەفورمالاۋدى تەرەڭدەتۋگە باعىتتالعان اۋقىمدى رەفورمالار جوسپارىن ۇسىندى.
اmanat پارتياسى قازاقستان پرەزيدەنتىنىڭ جۇيەلى جانە كەڭ اۋقىمدى رەفورمالارىن تولىعىمەن قولدايدى. مەملەكەت باسشىسىنىڭ رەفورماتورلىق باعىتىنىڭ اياسىندا اmanat پارتياسى وزگەرىستەردى وزىنەن باستاپ, ىشكى ترانسفورماتسيانى قولعا الدى.
ءبىز رەفورمالار باعىتىنا بالاما جوق ەكەنىنە سەنىمدىمىز. ساياسي ليبەراليزاتسيا جانە الەۋمەتتىك ادىلەتتىلىك – بۇل ازاماتتاردىڭ وتىنىشتەرىنە دەر كەزىندە بەرىلگەن جاۋاپ. ءبىز بارشا قازاقستاندىقتاردى بىرلىك پەن ىنتىماققا, بارلىق قوعامدىق-ساياسي كۇشتەردى توپتاسۋعا شاقىرامىز.
ءبىز بارلىق كۇش-جىگەرىمىز بەن قۋاتىمىزدى مەملەكەت باسشىسىنىڭ جولداۋىن جۇزەگە اسىرۋعا باعىتتاۋعا دايىنبىز. ءبىزدىڭ بىرلىگىمىز نىعايعاندا عانا تاۋەلسىزدىك پەن مەملەكەتتىلىكتى بەرىك ەتەمىز, ورتاق وتانىمىز بەن بارلىق ازاماتتاردىڭ ءال-اۋقاتىن ارتتىرا الامىز!
اسحات ورالوۆ,
Amanat پارتياسىنىڭ
اتقارۋشى حاتشىسى
