سونىمەن بىرگە قازاقستان رەسپۋبليكاسى تاۋەلسىزدىگىنىڭ 30 جىلدىق تاريحىندا جيناقتالعان تاجىريبەنى ەسكەرە وتىرىپ, دامىعان ەل قۇرۋعا باعىتتالعان شارالار جايلى ايتىلدى. بۇل ءۇشىن بارلىق نەگىز بار. اشىعىن ايتقاندا, بۇل ءبىر جىلدىڭ ءىسى ەمەس, ودان كوپ ۋاقىتتى تالاپ ەتەدى. جالپى, قازاقستاننىڭ ساياسي, ەكونوميكالىق ومىرىندە باستالعان رەفورمالاردىڭ جۇيەلى ەكەنىن كورىپ وتىرمىز.
قازاقستان پرەزيدەنتى قاسىم-جومارت توقاەۆ ءوزىنىڭ العاشقى جانە ەكىنشى جولداۋىندا دا مىندەتتەردى ءبولىسۋ تۋرالى ايتقانى بەلگىلى. ءماجىلىس دەپۋتاتتارىنىڭ وكىلەتتىگى ارتىپ, قوس پالاتادا دا وزگەرىستەر بولادى. بۇل رەفورمالاردىڭ بارلىعى قازاقستان كونستيتۋتسياسىنا 30-عا جۋىق تولىقتىرۋ مەن وزگەرىس ەنگىزۋدى قاجەت ەتەدى. ودان بولەك باق, سايلاۋ تۋرالى زاڭنامالارعا ەنگىزىلەتىن تۇزەتۋلەر تاعى بار. جولداۋدا كوپشىلىكپەن جۇمىس ىستەۋگە ەرەكشە كوڭىل بولىنگەنى قۋانتادى.
قازاقستاندا قولعا الىنعان رەفورمالار ەكونوميكالىق جانە ايماقتىق قاۋىپسىزدىك تۇرعىسىنان وزگە ورتالىق ازيا ەلدەرىنە اسەر ەتپەي قويمايدى. قازاقستان – ايماقتاعى ەكونوميكالىق كوشباسشىلاردىڭ ءبىرى. ورتالىق ازيا ەلدەرىنىڭ ەكونوميكاسى ءبىر-بىرىمەن تىعىز بايلانىستا. قازاقستاننىڭ تۇراقتىلىعى مەن دامۋى ايماققا تىكەلەي اسەر ەتەدى. پرەزيدەنت ق.توقاەۆ ايتىپ وتكەندەي, بۇگىنگى احۋال كۇن, ساعات ساناپ وزگەرىپ جاتىر. قابىلدانىپ جاتقان شەشىمدەر تۇراقتىلىقتى ساقتاپ, ەكىجاقتى قارىم-قاتىناسىمىزدى نىعايتۋعا باعىتتالاتىنى انىق.
سايديكرام نيازحودجاەۆ,
وزبەكستان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى
