بيلىك پەن قوعام بىرىكسە, كوپ ماسەلە شەشىلەدى

قازىرگىدەي كۇردەلى كەزەڭدە دە پرە­زيدەنت ەلىمىزدىڭ بولاشاعىن ناقتى باعامداپ, جاڭا قازاقستاندى ازاماتتىق قوعامى قالىپتاسقان ءتيىمدى مەملەكەتكە اينالدىرۋعا ەكپىن بەرە وتىرىپ, بارشا قازاقستاندىقتارعا سەنىم سىيلاعانى ءسوزسىز. ەلىمىزدىڭ ساياسي جۇيەسىن كەشەندى جاڭعىرتۋدا جەرگىلىكتى اتقارۋشى ور­گانداردىڭ اتقارار ءرولى زور. قۋاتتى ايماقتار – مەملەكەت وركەندەۋىنىڭ نەگىزى. مەملەكەت باسشىسى ازاماتتىق بەلسەندىلىكتى جانداندىرۋ كەرەكتىگىن, مەم­لەكەت پەن قوعامنىڭ سانالى ءارى سىندارلى سەرىكتەستىگىنە جول اشۋ قاجەتتىگىن باسا ايتتى.

جامبىل وبلىسىندا بۇل باعىتقا ايرىقشا دەن قويىلۋدا. جۋىردا عانا «قوعامدىق قابىلداۋ» توبى قۇرىلىپ, وعان قوعام بەلسەندىلەرى, زيالى قاۋىم, باق وكىلدەرى جانە تاعى باسقالار ەندى. ولار اۋدان, اۋىلدارداعى جەرگىلىكتى تۇرعىندارمەن كەزدەسىپ, وزەكتى الەۋمەتتىك ماسەلەلەردى انىقتاپ, ءتيىمدى شەشىلۋىنە جۇمىس ىستەۋدە. توپ جۇمىسىنىڭ العاشقى ناتيجەلەرى كورىنە باستادى. اسىرەسە, «قوعامدىق قابىلداۋ» توبى قاڭتار وقيعاسىنان كەيىن ءتۇسىندىرۋ, اقپاراتتىق جۇمىستارمەن جۇيەلى تۇردە اينالىسۋدا. بۇل باعىتتاعى شارالار جالعاساتىن بولادى. بيلىك پەن بۇقارانىڭ ءوزارا بىرلەسكەن ارەكەتى – وزەكتى ماسەلەلەردىڭ جەدەل ءارى ءتيىمدى شەشىلۋىنە ىقپال ەتەدى.

جولداۋدا پارتيا جۇمىسىن جاڭعىرتۋ, كوپپارتيالى جۇيەنى قالىپتاستىرۋ, پارتيالارعا تەڭ جاعدايدى قامتاماسىز ەتۋ – ساياسي باسەكەلەستىكتىڭ ارتۋىنا جول اشاتىندىعى ايتىلدى. «اكىمدەر مەن ولاردىڭ ورىنباسارلارىنا پارتيا في­­ليالدارىندا قىزمەت اتقارۋعا زاڭ جۇزىندە تىيىم سالۋ كەرەك. مۇنداي شە­شىم­دەر كوپپوليارلى پارتيالىق جۇيەنى قالىپتاستىرۋعا مۇمكىندىك بەرەدى», دەگەن مەملەكەت باسشىسى ازاماتتاردىڭ وكىلدى بيلىككە دەگەن سەنىمىن نىعايتۋ ءۇشىن ماسليحاتتارعا باسا ءمان بەرۋ كەرەكتىگىن دە اتاپ ءوتتى. پرەزيدەنتىمىز ايتقانداي, ساياسي جاڭعىرۋ ناتيجەلى جۇزەگە اسۋى ءۇشىن بارشامىز جۇمىلا جۇمىس ىستەۋىمىز قاجەت. زاڭ – بارشاعا ورتاق. بۇل رەتتە  بيلىك پەن قوعامنىڭ بىرىگە وتىرىپ, جاڭا قازاقستاننىڭ ىرگەتاسى ساياسي جانە ەكونوميكالىق رەفورمالاردىڭ ۇي­لەسىمىندە قالانۋىنا بەلسەندى تۇردە اتسالىسۋى ماڭىزدى.

«بىزگە ەشكىم سىرتتان كەلىپ, ەشتەڭە جاساپ بەرمەيتىنى انىق, ءبارى ءوز قولى­مىزدا. سوندىقتان بارشاڭىزدى جاڭا قا­زاقستاندى قۇرۋعا ءبىر كىسىدەي جۇمىلۋعا شاقىرامىن. حالىقتىڭ قولداۋىمەن ماقساتىمىزعا جەتەمىز دەپ سەنەمىن», دەدى قاسىم-جومارت كەمەل ۇلى. جولداۋدا جۇكتەلگەن باسىمدىقتاردى جۇزەگە اسىرۋدا اشىقتىق پەن جۇيەلىلىكتى نەگىزگە الا وتىرىپ, ءتيىمدى ارەكەت ەتۋگە ءتيىسپىز. حالىق بىزدەن ناقتى ناتيجە كۇتەدى.

تاتۋلىق پەن تۇراقتىلىق, تىنىش­تىق پەن بەيبىتشىلىك سەكىلدى قۇندىلىق­تارىمىزدى ساقتاپ, ەكونوميكامىزدى نىعايتىپ, تۇرعىنداردىڭ ءال-اۋقاتىن ارتتىرۋ جولىندا جۇمىلا جۇمىس ىستەۋ – ءبىزدىڭ نەگىزگى مىندەتىمىز!

بەردىبەك ساپارباەۆ,

جامبىل وبلىسىنىڭ اكىمى