پرەزيدەنت قاراعاندى وبلىسىنىڭ اكىمى جەڭىس قاسىمبەكتى, شىعىس قازاقستان وبلىسىنىڭ اكىمى دانيال احمەتوۆتى, الماتى وبلىسىنىڭ اكىمى قانات بوزىمباەۆتى, جامبىل وبلىسىنىڭ اكىمى بەردىبەك ساپارباەۆتى, شىمكەنت قالاسىنىڭ اكىمى مۇرات ايتەنوۆتى, قوستاناي وبلىسىنىڭ اكىمى ارحيمەد مۇحامبەتوۆتى, اقتوبە وبلىسىنىڭ اكىمى وڭداسىن ءورازاليندى جانە اقمولا وبلىسىنىڭ اكىمى ەرمەك مارجىقپاەۆتى قابىلدادى.
مەملەكەت باسشىسىنا ايماقتاردا بىلتىرعى اتقارىلعان جۇمىستار مەن 2022 جىلدىڭ العاشقى ەكى ايىنداعى دامۋ كورسەتكىشتەرى تۋرالى باياندالدى. اكىمدەر اتالعان وبلىستارعا جانە شىمكەنت قالاسىنا قاتىستى مەملەكەت باسشىسىنىڭ بەرگەن تاپسىرمالارىنىڭ ورىندالۋ بارىسى جونىندە مالىمەت بەردى.
پرەزيدەنت حالىقپەن ءجيى كەزدەسۋدىڭ, قوعامدىق قابىلداۋلاردى تۇراقتى وتكىزۋدىڭ ماڭىزدىلىعىن اتاپ ءوتىپ, وڭىرلەردىڭ باسشىلارىنا تۇرعىنداردى مازالاعان ماسەلەلەردى ۋاقتىلى شەشۋ قاجەت ەكەنىن ايتتى.
قاسىم-جومارت توقاەۆ كوكتەمگى ەگىس ناۋقانىنا دايىندىق جۇمىستارىن كۇشەيتۋدى جانە وڭىرلەردە جۇزەگە اسىرىلىپ جاتقان جوبالاردى جالعاستىرۋدى تاپسىردى.
