باسقارۋدىڭ جاڭا نىساندارىنىڭ باسىم بولىگى اقمولا, جامبىل, قوستاناي, تۇركىستان وبلىستارى مەن شىمكەنت قالاسىندا ورنالاسقان.
كوپ پاتەرلى تۇرعىن ۇيلەردى باسقارۋدىڭ جاڭا نىساندارى «م ۇلىك يەلەرىنىڭ ءبىر بىرلەستىگى — ءبىر شوت» قاعيداتى بويىنشا جۇمىس ىستەيدى. وسىلايشا, تۇرعىنداردىڭ جينالعان قاراجاتىن پايدالانۋدىڭ اشىقتىعى قامتاماسىز ەتىلدى. قاراجات تەك ناقتى كوپ پاتەرلى تۇرعىن ءۇيدى باسقارۋعا جانە كۇتىپ-ۇستاۋعا جۇمسالادى.
ەستەرىڭىزگە سالساق, 2020 جىلدىڭ 7 قاڭتارىنان باستاپ قازاقستان رەسپۋبليكاسىنىڭ بۇل تۋرالى زاڭى كۇشىنە ەنگەن ەدى. زاڭ شەڭبەرىندە پاتەر يەلەرى كووپەراتيۆتەرىنىڭ ورنىنا وسي مەن قاراپايىم سەرىكتەستىكتەر قۇرىلىپ جاتىر.
ازاماتتار ميب جانە قاراپايىم سەرىكتەستىكتەر قۇرۋ توڭىرەگىندەگى سۇراقتارى بويىنشا مىنا info@zhkh.kz مەكەنجايىنا حابارلاسا الادى. سونداي-اق suraqtar.kz پلاتفورماسى ارقىلى سۇراق جولداپ, قوسىمشا اقپاراتپەن Zhkh.kz سايتى ارقىلى تانىسا الادى. ازاماتتاردى اۆتوماتتاندىرىلعان اقپاراتتاندىرۋ جۇيەسىمەن قامتۋ ءۇشىن @kazcenter_zhkh_bot Telegram بوتى ىسكە قوسىلعان.
