«ارالاس سايلاۋ جۇيەسىنە كوشۋ وتە ماڭىزدى قادام. بۇل ارالاس سايلاۋ جۇيەسىنە كوشەمىز دەگەن ءسوز بولدى. وڭىرلەردە وبلىستىق دەڭگەيدە ارالاس جۇيە 50 دە 50, ال اۋداندىق جانە قالالىق دەڭگەيدە تولىعىمەن ماجوريتارلىق جۇيە ەنگىزىلەتىن بولادى», دەدى ەرلان قارين.
ەرلان قاريننىڭ ايتۋىنشا, بۇل پارتيالىق ەمەس كانديداتتارعا ساياسي ومىرگە بەلسەندى قاتىسۋعا مۇمكىندىك بەرەدى.
سونداي-اق مەملەكەتتىك حاتشى بۇل ءسوز ساياسي پارتيالاردى تىركەۋ ءراسىمىن جەڭىلدەتۋگە عانا ەمەس, سونىمەن قاتار مەملەكەتتىڭ اۋماقتىق قۇرىلىمىنداعى وزگەرىستەرگە دە قاتىستى ەكەنىن ايتتى.
«ۇكىمەت ونىمەن اينالىسادى. شىن مانىندە, ءبىز ەكونوميكالىق, دەموكراتيالىق رەسۋرستاردىڭ ءبولىنۋىن ەسكەرە وتىرىپ, سالالار قۇرىلاتىنىن تۇسىنۋگە ءتيىسپىز. بۇل جەردە وڭىرلىك ەكونوميكانىڭ دامۋىنا دا سەرپىن بەرەتىنىن ءتۇسىنۋ كەرەك», دەدى ەرلان قارين ءوز سوزىندە.
