اق ءۇي باسشىسى اقش كونگرەسىنىڭ شەشىمى ارقاسىندا ۋكرايناعا باعىتتالعان اسكەري جانە گۋمانيتارلىق كومەكتىڭ ارتاتىنىن مالىمدەدى.
بىرقاتار امەريكالىق باق-تىڭ حابارلاۋىنشا, بايدەن 16 ناۋرىزدا ۋكرايناعا تاعى 1,01 ميلليارد دوللار كولەمىندە اسكەري كومەك بولەتىنىن جاريالاماق. قولداۋ شاراسى بويىنشا تانككە جانە اۋە شابۋىلىنا قارسى قارۋ-جاراق جىبەرىلەدى.
بۇعان دەيىن اقش باسشىسى ۋكرايناداعى جاعدايعا جانە ناتو-نىڭ قورعانىس قابىلەتىن ارتتىرۋعا ارنالعان سولتۇستىك اتلانتيكالىق وداقتىڭ شۇعىل سامميتىنە قاتىساتىنى تۋرالى حابارلانعان بولاتىن. ءىس-شارا 24 ناۋرىزدا ۇيىمنىڭ بريۋسسەلدەگى شتاب-پاتەرىندە وتەدى.
