رەسپۋبليكا بويىنشا بارلىعى 1,3 ملن توننا الەۋمەتتىك ماڭىزى بار تاۋارلار بار, ونىڭ ىشىندە ۇن - 144 مىڭ توننا, قانت - 90 مىڭ توننا, كۇرىش - 39,3 مىڭ توننا, ماكارون - 21 مىڭ توننا جانە 900 مىڭ توننا كوكونىس ونىمدەرى بار.
«ايتا كەتسەك, ازىق-ت ۇلىك قورى كۇن سايىن جاڭارتىلىپ, قاجەت بولعان جاعدايدا تولىقتىرىلىپ وتىرادى. سونداي-اق, ەلىمىزدە جارما, ۇن جانە باسقا دا تاۋارلار ءوندىرۋ ءۇشىن شيكىزات جەتكىلىكتى, وعان قوسا, ەت جانە ءسۇت ونىمدەرىن ءوندىرۋ ءۇشىن اۋىل شارۋاشىلىعى جانۋارلارىنىڭ مال باسى جەتكىلىكتى ەكەنىن اتاپ وتكەن ءجون. ازىق-ت ۇلىك تاۋارلارىنىڭ بارلىق تۇرلەرى بويىنشا حالىقتىڭ قاجەتتىلىگى ءوز ءوندىرىسى ەسەبىنەن قامتاماسىز ەتىلەدى, ال كەيبىر ءوندىرىس قاجەتتىلىكتەن ەداۋىر اسىپ تۇسەدى», دەدى جەڭىس وسەرباي ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
كۇنباعىس مايىنا كەلەتىن بولساق, رەسپۋبليكادا وڭدەۋگە جىبەرىلەتىن 650 مىڭ توننا كۇنباعىس بار. ايماقتارداعى كۇنباعىس مايىنىڭ قورى 30 مىڭ توننانى قۇرايدى.
ۆيتسە-ءمينيستردىڭ ايتۋىنشا, ىشكى نارىق كۇنباعىس مايىمەن جانە ونى ءوندىرۋ ءۇشىن شيكىزاتپەن تولىق قامتاماسىز ەتىلگەن. كوكونىس داقىلدارى مەن كارتوپتىڭ قورلارى نارىققا ەرتە پىسەتىن كوكونىستەر كىرمەس بۇرىن حالىقتىڭ قاجەتتىلىگىن قامتاماسىز ەتۋ ءۇشىن جەتكىلىكتى. سونىمەن قاتار, قازىرگى ۋاقىتتا مايدىڭ, كۇنباعىس تۇقىمدارىنىڭ جانە كارتوپتىڭ ەكسپورتىنا شەكتەۋ بار.
