جارىستىڭ (جۇلدە قورى – 8,4 ملن اقش دوللارى) 17-راكەتكاسى بولىپ تىركەلگەن قازاقستاندىق تەننيسشى دودانى ەكىنشى اينالىمنان باستاپ, دۇنيەجۇزىلىك رەيتينگتە 58-ورىندا تۇرعان بەلگيالىق ەليسون ۆان ەيتۆانكپەن كەزدەستى. ە.رىباكينا ءبىر جارىم ساعاتقا سوزىلعان ماتچتا قارسىلاسىنان 6:1, 7:5 ەسەبىمەن باسىم ءتۇستى. قازاقستاندىق تەننيسشى 3 ەيس جاساپ, 8 برەيك-پوينتتىڭ ۇشەۋىن پايدالاندى. رىباكينا ءۇشىنشى اينالىمدا الەمنىڭ 15-راكەتكاسى, وسى ءتۋرنيردىڭ وتكەن جىلعى ءفيناليسى, بەلارۋس وكىلى ۆيكتوريا ازارەنكومەن شەبەرلىك بايقاسادى.
تاعى ءبىر قازاقستاندىق تەننيسشى, الەمنىڭ 47-راكەتكاسى يۋليا پۋتينتسەۆا ەكىنشى اينالىمدا تارتىستى باسەكەدە رەيتينگتە 51-ورىنداعى شۆەيتساريالىق ۆيكتوريا گولۋبيچتەن ۇتىلىپ قالدى – 3:6, 6:2, 4:6.
