قازاقستان رەسپۋبليكاسى اقپارات جانە قوعامدىق دامۋ مينيسترلىگى «قوعامدىق كەڭەستەر تۋرالى» قازاقستان رەسپۋبليكاسىنىڭ 2015 جىلعى 2 قاراشاداعى №383 زاڭىنا جانە 2021 جىلعى 26 اقپانداعى №69 قوعامدىق كەڭەس تۋرالى ۇلگىلىڭ ەرەجەگە سايكەس قوعامدىق كەڭەستىڭ جاڭا قۇرامىن قالىپتاستىرۋ جونىندەگى جۇمىس توبىنىڭ مۇشەلەرىن ىرىكتەۋ بويىنشا كونكۋرس وتكىزۋ تۋرالى حابارلايدى.
مينيسترلىكتىڭ قوعامدىق كەڭەسىن قالىپتاستىرۋ جونىندەگى جۇمىس توبى 9 مۇشەدەن تۇرادى, ولاردىڭ 3-ەۋى مينيسترلىكتىڭ وكىلدەرى جانە 6-ى ازاماتتار مەن كوممەرتسيالىق ەمەس ۇيىمداردىڭ وكىلدەرى اراسىندا سايلانادى.
كونكۋرسقا قاتىسۋعا نيەت بىلدىرگەن ازاماتتار, كوممەرتسيالىق ەمەس ۇيىمداردىڭ وكىلدەرى جۇمىس توبىنىڭ مۇشەلەرىن ىرىكتەۋ بويىنشا كونكۋرس وتكىزۋ تۋرالى حابارلاندىرۋ ورنالاستىرىلعان كۇننەن باستاپ كۇنتىزبەلىك بەس كۇن ىشىندە كەلەسى قۇجاتتاردى قولما-قول بەرەدى نەمەسە ەلەكتروندىق مەكەنجايعا جىبەرەدى:
1) جوعارىدا اتالعان ۇلگىلىك ەرەجەنىڭ 1-قوسىمشاسىنا سايكەس نىسان بويىنشا كانديداتۋرانى جۇمىس توبىنىڭ قۇرامىنا ۇسىنۋ تۋرالى ازاماتتىڭ ءوتىنىشى;
2) كانديداتۋرانى (بار بولعان كەزدە) جۇمىس توبىنىڭ مۇشەسىنە ۇسىنۋ تۋرالى كوممەرتسيالىق ەمەس ۇيىمنىڭ جازباشا ۇسىنىسى;
3) كانديداتتىڭ كاسىپتىك جانە (نەمەسە) قوعامدىق قىزمەتى تۋرالى مالىمەتتەر;
4) قازاقستان رەسپۋبليكاسى ازاماتىنىڭ جەكە كۋالىگىنىڭ كوشىرمەسى.
سونىمەن بىرگە ۇكىمەتتىك ەمەس ۇيىمداردىڭ, بۇقارالىق اقپارات قۇرالدارىنىڭ, مەملەكەتتىك ورگانداردىڭ, حالىقارالىق ۇيىمداردىڭ وكىلدەرى بولىپ تابىلاتىن, داۋىس بەرۋ قۇقىعى جوق بايقاۋشىلار جۇمىس توبىنىڭ وتىرىستارىنا قاتىسۋعا جىبەرىلەدى.
بايقاۋشى بولۋعا نيەت بىلدىرگەن ادام جوعارىدا اتالعان ۇلگىلىك ەرەجەنىڭ 2-قوسىمشاسىنا سايكەس نىسان بويىنشا قوعامدىق كەڭەستى قالىپتاستىرۋ جونىندەگى جۇمىس توبىنىڭ مۇشەلەرىن ىرىكتەۋ بويىنشا كونكۋرسقا بايقاۋشى رەتىندە قاتىسۋعا ءوتىنىشتى رەسپۋبليكالىق دەڭگەيدە مەملەكەتتىك ورگانعا, كۆازيمەملەكەتتىك سەكتور سۋبەكتىسىنە نەمەسە جەرگىلىكتى دەڭگەيدە جەرگىلىكتى وكىلدى ورگانعا بەرەدى نە ەلەكتروندىق پوشتاسىنا جىبەرەدى.قوعامدىق كەڭەستى قالىپتاستىرۋ جونىندەگى جۇمىس توبىنىڭ مۇشەسى قوعامدىق كەڭەس مۇشەلىگىنە سايلاۋ ءۇشىن كونكۋرسقا جىبەرىلمەيدى.
كونكۋرسقا قاتىسۋ ءۇشىن قۇجاتتار كەلەسى مەكەنجايعا ۇسىنىلادى (جولدانادى): نۇر-سۇلتان قالاسى, ماڭگىلىك ەل كوشەسى,8, «مينيسترلىكتەر ءۇيى» عيماراتى, 14 كىرەبەرىس, ەلەكتروندىق پوشتا مەكەنجايى: qogamdyqdamu@mail.ru.
قوسىمشا اقپارات پەن انىقتامالاردى: 8(7172) 74-03-56, 74-18-37 تەلەفوندارى ارقىلى الۋعا بولادى.
