«قازسەلدەنقورعاۋ» مم ەسكەرتۋى بويىنشا قار كوشكىنى ءجۇرۋ قاۋپىنە بايلانىستى شىمبۇلاققا باراتىن اۆتوجول ۋاقىتشا جابىق بولادى. مامانداردىڭ ايتۋىنشا, قار دەڭگەيى ادەتتەگىدەن 30 سم-گە جوعارى. بۇگىن تاڭعى ساعات 9:49-دا ۇلكەن الماتى وزەنى باسسەينىندە 7 مارتە قار كوشكىنى تىركەلگەن.
«مەدەۋ مۇز ايدىنى - شىمبۇلاق تاۋ-شاڭعى كەشەنى» اۆتوجولى بويىندا 11 قاۋىپتى قار كوشكىنى جيىنى ورنالاسقان. ول جەردەگى بارلىق قار وسى جولعا تۇسەتىندىكتەن, جول بويىنداعى كولىكتەر مەن جاياۋ جۇرگىنشىلەر ومىرىنە قاۋىپ توندىرەدى. ادام شىعىنىن بولدىرماۋ ماقساتىندا شىمبۇلاققا كوتەرىلەتىن اۆتوجول كولىك ءۇشىن دە, جاياۋ جۇرگىنشىلەر ءۇشىن دە جابىق بولادى», دەلىنگەن اكىمدىك تاراتقان حابارلامادا.
جىل سايىن كوكتەم كەزىندە قار كوشكىنى قاۋپى جوعارىلايدى, سەبەبى قىس كەزىندە قار جينالىپ, كوكتەمدە تاۋ باسىندا تۇراقتاي المايدى. كوبىنە قار كوشكىنى كۇندىزگى ۋاقىتتا, جىلىمىق كۇندەرى تاۋلىك بويى جۇرەدى. جاعداي ۋشىقققاندا قار كوشكىنى ەداۋىر كولەمدە ءجۇرۋى مۇمكىن.
«قازسەلدەنقورعاۋ» مم-مەن كەلىسە وتىرىپ, جولدىڭ اشىلۋى تۋرالى باق ارقىلى قوسىمشا جاريالانادى.
ايتا كەتەيىك, 10 ناۋرىز كۇنى الماتىنىڭ شىمبۇلاق تۋريستىك اۋماعىنىڭ جوعارى تۇسىندا قار كوشكىنى ءجۇرىپ, ءبىر ادام مەرت بولدى.
