وبلىس باسشىسى جاڭا اكىمدى تانىستىرۋ كەزىندە ونىڭ جۇمىسىنا ساتتىلىك تىلەپ, تۇرعىنداردىڭ ءال-اۋقاتىن جاقسارتۋ ءۇشىن الەۋمەتتىك-ەكونوميكالىق باعىتتاعى جۇمىستاردى كۇشەيتۋدى تاپسىردى.
سونداي-اق مەملەكەت باسشىسىنىڭ تاپسىرمالارىن مەرزىمدى ءارى ناتيجەلى ورىنداۋدى باستى نازارعا الۋدى مىندەتتەدى. 100 مىڭنان استام تۇرعىنى بار كەنتاۋ قالاسىنىڭ جاڭا اكىمىنە ۇلكەن جاۋاپكەرشىلىك جۇكتەلىپ وتىرعانىن ايتىپ, ابىرويلى ەڭبەك ەتەتىنىنە سەنىم ءبىلدىردى.
ءوز كەزەگىندە راشيد ايۋپوۆ ايماق باسشىسىنا سەنىم بىلدىرگەنى ءۇشىن العىسىن جەتكىزىپ, الداعى ۋاقىتتا كەنتاۋ قالاسىنىڭ دامۋى مەن وركەندەۋى جولىندا بار كۇش-جىگەرىن جۇمسايتىنىنا ۋادە بەردى.
راشيد ايۋپوۆ 1981 جىلى كەنتاۋ قالاسىندا تۋعان. 2019 جىلدىڭ شىلدە ايىنان 2021 جىلعا دەيىن تۇركىستان قالاسىنىڭ اكىمى قىزمەتىن اتقاردى. وتكەن جىلدان بەرى تۇركىستان وبلىسى اكىمىنىڭ ورىنباسارى لاۋازىمىندا بولدى.
ال بۇعان دەيىن كەنتاۋ قالاسىنىڭ اكىمى قىزمەتىن اتقارعان داۋرەن ماحاجانوۆ اسا ءىرى كولەمدە پارا الدى دەگەن كۇدىككە ىلىنگەن ەدى. ول وبلىس اكىمىنىڭ وكىمىمەن بۇل قىزمەتتەن بوساتىلدى.
