جارىس قىتايدىڭ حەبەي پروۆينتسياسىنداعى چجانتسزياكوۋ تاۋ شاڭعىسى كۋرورتىندا وتۋدە
بۇگىن بياتلون جارىسىنىڭ سوڭعى كۇنى. ەرلەر مەن ايەلدەر اراسىندا 6 مەدال جيىنتىعى ساراپقا سالىنادى. قازىرگى پاراليمپيادا ويىندارىنىڭ قولا جۇلدەگەرى الەكساندر گەرليتس بياتلوننان ەرلەر اراسىنداعى جەكەلەي جارىستا 12,5 شاقىرىم قاشىقتىقتا تۇرىپ ونەر كورسەتەدى.
قازاقستاندىق سپورتشىنىڭ قاتىسۋىمەن فينالدىق جارىس جۇما كۇنى (بەيجىڭ ۋاقىتىمەن 12:40) وتەدى.
ۋكراينا قۇراماسى سپورتتىڭ وسى تۇرىنەن 5 التىن مەدالمەن جۇلدەلەر كەستەسىندە كوش باستاپ تۇر. قىتاي 3 التىنمەن ەكىنشى ورىندا, اقش ءۇشىنشى ورىندا (ەكى التىن مەدال).
التىنشى جارىس كۇنىنىڭ قورىتىندىسى بويىنشا قىتاي قۇراماسى 32 جۇلدەمەن مەدالدار كەستەسىندە ۇلكەن ەسەپپەن كوش باستادى: 10 التىن, 9 كۇمىس جانە 13 قولا. كانادا قۇراماسى ەكىنشى ورىندا (7-2-7), ۋكراينا ءۇشىنشى ورىندا (6-8-5).
بەيجىڭدەگى پاراليمپيادا ويىندارى 4-13 ناۋرىز ارالىعىندا وتەدى.
