ەپيدەميالىق جاعدايدى باعالاۋ ماتريتساسى بويىنشا باتىس قازاقستان وبلىسى 18 اقپاننان بەرى «جاسىل ايماقتا» تۇر.
– جىل باسىنان وبلىستا COVID-19 دياگنوزى 9 538 مارتە تىركەلدى. ونىڭ 5 003-ءى – اشىق سيمپتوممەن, ال 4 535 ادام سيمپتومسىز انىقتالدى. 100 مىڭ تۇرعىنعا شاققانداعى اۋرۋشاڭدىق كورسەتكىشى – 1 434,1. سوڭعى اپتادا وتكەن اپتامەن سالىستىرعاندا اۋرۋشاڭدىق 43,7%-عا ازايعانى بايقالادى, – دەيدى وبلىستىق سانيتارلىق-ەپيدەميولوگيالىق قورعاۋ دەپارتامەنتىنىڭ باسشىسى مۇحامعالي ارىسپاەۆ.
وڭىردە سوڭعى تاۋلىك ىشىندە 9 ادام كوروناۆيرۋس ينفەكتسياسىمەن تىركەلگەن.
Ashyq قوسىمشاسىنىڭ دەرەكتەرىنە قاراعاندا, جىل باسىنان بەرى وبلىس ازاماتتارى سانيتارلىق-كارانتيندىك رەجىمدى 783 مارتە بۇزعان كورىنەدى. ونىڭ ىشىندە 772 ادام «قىزىل» مارتەبەسىمەن كوپشىلىك ورىنداردا كوزگە تۇسكەن. وسىنداي زاڭسىزدىقتار ءۇشىن جەكە تۇلعالارعا 81 حاتتاما تولتىرىلعان. سالىنعان ايىپپۇل كولەمى 3 721 545 تەڭگەگە جەتكەن. «قىزىل» مارتەبەسى بولسا دا كارانتين رەجىمىن بۇزعان 72 ازاماتتىڭ اتى-ءجونى الەۋمەتتىك جەلىلەرگە شىعارىلعان.
سوڭعى دەرەكتەرگە قاراعاندا, وبلىس بويىنشا ەكپە الۋعا ءتيىستى 414 390 ادامنىڭ 272 194-ءى, ياعني 66 پايىزى ۆاكتسينانىڭ 1 كومپونەنتىن العان. ال ەكپەنىڭ قوس كومپونەنتىن تولىق العان ادام سانى – 259 931 (63%).
12-17 جاس ارالىعىنداعى جاسوسپىرىمدەردى, جۇكتى جانە بالا ەمىزەتىن ايەلدەردى Pfizer ۆاكتسيناسىمەن قامتۋ باياۋ ءجۇرىپ جاتقانى بايقالادى. ماسەلەن, ەكپە الۋعا ءتيىستى 63 765 ادامنىڭ 16,5 پايىزى عانا ۆاكتسينا العان. بۇگىندە وسى توپتاعى ادامداردىڭ 13,1%-ى, 8 590 ادام عانا ەكپەنىڭ تولىق كۋرسىنان ءوتتى.
باتىس قازاقستان وبلىسى
