ايماقتار • 09 ناۋرىز، 2022

الماتى وبلىسىندا ادامدى قاعىپ، ءىزىن سۋىتقان جۇرگىزۋشى ۇستالدى

77 رەت كورسەتىلدى

الماتى وبلىسىندا ادام قاعىپ، قاشىپ كەتكەن جۇرگىزۋشى قولعا ءتۇستى، دەپ حابارلايدى Egemen.kz.

الماتى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي، 20 اقپان كۇنى تالدىبۇلاق-اقبۇلاق جولىندا الماتى قالاسىنىڭ 33 جاستاعى تۇرعىنىن كولىك قاعىپ كەتكەن.

جابىرلەنۋشى اۋرۋحاناعا جاتقىزىلدى، بىراق بىرنەشە كۇننەن سوڭ جانساقتاۋ بولىمىندە كوز جۇمدى. پوليتسەيلەر وقيعا ورنىندا كولىكتىڭ قالدىقتارىن تاۋىپ، تەرگەۋ جۇمىستارىن باستادى. ناتيجەسىندە 28 جاستاعى كۇدىكتى انىقتالىپ، پوليتسيا بولىمشەسىنە جەتكىزىلدى. 

«اتالعان ءىس بويىنشا قر قىلمىستىق كودەكسىنىڭ 345 جانە 347-ءشى باپتارىنا سايكەس ءىس قوزعالىپ، تەرگەۋ ءجۇرىپ جاتىر. كۇدىكتى ادامدى قاعىپ، وقيعا ورنىنان قاشىپ كەتكەنىن مويىندادى. كولىك ايىپ تۇراعىنا قويىلدى. قاجەتتى سوت-مەديتسينالىق ساراپتامالار تاعايىندالدى»، دەلىنگەن ۆەدومستۆو حابارلاماسىندا.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار