ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى جاننا تەلپەكباەۆانىڭ ايتۋىنشا, پاندەميا جانە حالىقتىڭ قاشىقتان جۇمىس رەجيمىنە كوشۋى كەزەڭىندە كورسەتىلەتىن بايلانىس قىزمەتتەرى ساپاسىنىڭ ماڭىزدىلىعى ارتتى. ول ازاماتتاردان ينتەرنەت ساپاسىنا كوبىرەك شاعىم تۇسەتىنىن اتاپ ءوتتى.
ماسەلەن, اكىمشىلىك قۇقىق بۇزۋشىلىق تۋرالى كودەكستىڭ 637-بابى بويىنشا ءىرى كاسىپكەرلىك سۋبەكتىلەرى ءۇشىن ناشار قىزمەت كورسەتكەنى ءۇشىن 100 اەك, ال ءبىر جىل ىشىندە قايتالاپ بۇزعانى ءۇشىن 200 اەك-ءتى قۇرايدى.
«بۇل رەتتە ءىرى كاسىپكەرلىك سۋبەكتىسى بۇزۋشىلىق فاكتىسىن تانىعان كەزدە 50%, ياعني 50 نەمەسە 100 اەك مولشەرىندە ايىپپۇل تولەۋگە مىندەتتى. كوبىنەسە وپەراتورلار قوسىمشا جابدىقتى ورناتۋدان گورى ايىپپۇلدىڭ جارتىسىن تولەۋ ىڭعايىن تابادى. سايىپ كەلگەندە, بايلانىستاعى بارلىق قولايسىزدىقتار وپەراتور الدىنداعى ءوز مىندەتتەمەلەرىن تۇراقتى نەگىزدە ورىندايتىن, ياعني ءتاريفتى تولىق كولەمدە تولەيتىن ابونەنتتەرگە اسەر ەتەدى», دەدى كوميتەت مۇشەسى.
دەپۋتات زاڭ جوباسى وپەراتورلاردىڭ تەحنيكالىق پارامەترلەرگە سايكەس كەلمەيتىن بايلانىس قىزمەتتەرى مەن ينتەرنەتكە قولجەتىمدىلىك ءۇشىن جاۋاپكەرشىلىگىن كۇشەيتۋگە مۇمكىندىك بەرەتىنىن اتاپ ءوتتى.
«كورسەتىلگەن قۇقىق بۇزۋشىلىق ءۇشىن اكىمشىلىك ايىپپۇلدى 1000 اەك-كە دەيىن (3 063 000 تەڭگە) جانە ءبىر جىل ىشىندە قايتالاپ جاسالعان بۇزۋشىلىق ءۇشىن - 1500 اەك-كە دەيىن (4 594 500 تەڭگە) ارتتىرۋ ازاماتتاردىڭ ساپالى بايلانىس جانە ينتەرنەت قىزمەتتەرىن الۋ قۇقىعىن قورعاۋعا, وپەراتورلار اراسىندا باسەكەلەستىك ءۇشىن قوسىمشا جاعدايلار جاساۋعا مۇمكىندىك بەرەدى», دەپ قوستى جاننا تەلپەكباەۆا.
