«قۇرمەتتى حانىمدار!
بارشاڭىزدى حالىقارالىق ايەلدەر كۇنىمەن شىن جۇرەكتەن قۇتتىقتايمىن!
قازاق – ەجەلدەن انانى قادىرلەگەن, قىز بالاسىنا ەرەكشە قۇرمەتپەن قاراعان حالىق. وتان-انا, جەر-انا, انا ءتىلى دەپ, ءوزىمىز ءۇشىن ەڭ قىمبات, ەڭ اسىل قۇندىلىقتاردى انامەن بايلانىستىرۋىمىز سونىڭ ايعاعى. ويتكەنى, انا – ءۇيدىڭ بەرەكەسىن ارتتىرىپ, شاڭىراققا جىلۋ سىيلايتىن ەڭ اياۋلى جان. ولار تەك وتباسىنىڭ عانا ەمەس, تۇتاس ۇلتتىڭ ۇيىتقىسى.
قازىرگى تاڭدا ەلىمىزدە ايەلدەر قاۋىمىنىڭ مەملەكەت جانە قوعام ومىرىندە الاتىن ورنى ەرەكشە. سىزدەر بارلىق ماڭىزدى سالادا ناتيجەلى ەڭبەك ەتىپ, ەلدىكتىڭ جۇگىن ەر ازاماتتارمەن بىردەي ارقالاپ كەلەسىزدەر. شىن مانىندە, ارۋلارىمىزدىڭ اقىل-پاراساتى مەن ەرىك-جىگەرى جۇرتتى ءاردايىم العا جەتەلەيدى.
بۇگىندە ەلىمىز دامۋدىڭ جاڭا كەزەڭىنە قادام باسىپ وتىر. مەملەكەت باسشىسىنىڭ باستاماسىمەن «جاڭا قازاقستان» قۇرۋدى قولعا الدىق. وسىنداي اسا ماڭىزدى كەزەڭدە دە نازىك جاندارىمىز بەلسەندىلىك تانىتىپ, ەل ءۇشىن ەسەلى ەڭبەك ەتەتىنىنە ەشقانداي كۇمانىمىز جوق.
پرەزيدەنتىمىز اتاپ وتكەندەي, الداعى ۋاقىتتا مەملەكەت تاراپىنان ايەلدەردىڭ قۇقىعىن قورعاۋ, ولارعا ءوز مۇمكىندىكتەرىن تولىق پايدالانۋ ءۇشىن ءتيىستى جاعداي جاساۋ, كوپ بالالى انالارعا قولداۋ كورسەتۋ سياقتى جۇمىستار جالعاسا بەرەدى. بۇل باعىت – ەلىمىز ءۇشىن قاشاندا ماڭىزدى باسىمدىقتاردىڭ ءبىرى.
بۇگىنگى مەيراممەن قۇتتىقتاي وتىرىپ, بارشاڭىزعا زور دەنساۋلىق, قۇت-بەرەكە, شاتتىق پەن باقىت جانە تولايىم تابىس تىلەيمىن! مەرەكە قۇتتى بولسىن» دەپ جازدى ماۋلەن اشىمباەۆ.
