«قازگيدرومەت» رمك تاراتقان مالىمەتكە سايكەس, 7-9 ناۋرىز ارالىعىندا الماتى وبلىسىندا كۇن جىلىنىپ, قار ارالاس جاڭبىر جاۋادى.
«وسىعان بايلانىستى تاۋلى اۋدانداردا قار تەز ەرىپ كەتۋى مۇمكىن. سالدارىنان تاۋ بەتكەيلەرىندە سۋ اعىنى پايدا بولادى, وزەن-كولدەردەگى سۋ دەڭگەيى كوتەرىلەدى» دەپ ءمالىم ەتتى كاسىپورىننىڭ ءباسپاسوز قىزمەتى.
سينوپتيكتەردىڭ بولجامىنشا, 8-9 ناۋرىزدا ىلە الاتاۋى, جەتىسۋ, قىرعىز الاتاۋى مەن تالاس الاتاۋىندا, باتىس التاي مەن تارباعاتايدا قاتتى جاۋىن-شاشىن جاۋادى, تۇمان تۇسەدى.
جەل ەكپىنى وڭتۇستىك-باتىس باعىتتان سولتۇستىك-شىعىس باعىتقا اۋىسادى.
8 ناۋرىز كۇندىز, 9 ناۋرىز تاۋلىك بويى كەي جەرلەردە جەل قارقىنى 15-20 م/س جەتەدى.
