الەم • 07 ناۋرىز، 2022

ۋكراينا اۋماعىنان قازاقستاندىق 41 جۇك كولىگى شىقتى

104 رەت كورسەتىلدى

ۇلتتىق كاسىپكەرلەر پالاتاسى ۇسىنعان 57 كولىك جۇرگىزۋشى ىشىنەن 41 جۇرگىزۋشىگە ۋكراينادان شىعۋعا كومەك بەرىلگەن، دەپ حابارلايدى Egemen.kz.

«اتامەكەننىڭ» مالىمەتىنشە، ۇلتتىق كاسىپكەرلەر پالاتاسى، قازاقستاننىڭ ۋكراينا، پولشا رەسپۋبليكاسى، بەلارۋس، رەسەيدەگى ەلشىلىكتەرى، يندۋستريا جانە ينفراقۇرىلىمدىق دامۋ مينيسترلىگى وكىلدەرىنىڭ بىرلەسكەن كۇشىمەن جۇرگىزۋشىلەر ۇيىنە قايتىپ كەلەدى.

«ۇلتتىق پالاتا بارلىق اتسالىسقان ادامعا العىس بىلدىرەدى. ءبارىمىز بىرگە 41 جۇرگىزۋشىگە ۋكراينادان شىعۋعا كومەكتەستىك. سونىمەن قاتار جۇرگىزۋشىلەرىمىز جولاۋشى رەتىندە پولشا شەكاراسىنا قازاقستاننىڭ 3 ازاماتىن اكەلە جاتىر. قازىر شۇعىل تۇردە تاعى 16 جۇرگىزۋشىگە ۇيگە قايتۋ ءۇشىن قاۋىپسىز جولمەن كورشى ەلدەرگە شىعۋعا كومەكتەسۋدى شەشىپ جاتىرمىز»، – دەدى «اتامەكەن» ۇكپ لوگيستيكا جانە تاسىمالداۋ دەپارتامەنتىنىڭ ديرەكتورى مۇرات امرين.

قازىرگى كەزدە ۋكراينادا قالىپ قويعان 16 جۇرگىزۋشى ىشىنەن: 4 جۇرگىزۋشى چەرنيگوۆتە اسكەري ءىس-قيمىل سالدارىنان شىعا الماي جاتىر، 1 جۇرگىزۋشى تروەبورتنوە (رەسەي) وتكىزۋ بەكەتىنەن 70 شاقىرىم جەردە قوزعالىسسىز تۇر، 2 جۇرگىزۋشى سلابوجانسك قالاسىندا، 4 جۇرگىزۋشى پولشاعا قاراي باعىت العان جانە تاعى 4 جۇرگىزۋشى حاركوۆ اۋدانىندا تۇر. تاعى 1 جۇرگىزۋشى رەسەي شەكاراسىنان 100 شاقىرىم جەردە قالعان.

سوڭعى جاڭالىقتار

تەكەلىنىڭ ءتاتتى تاعامدارى

ايماقتار • بۇگىن، 00:05

جەر سىلكىنىسى: ساقتىق پەن ساباق

توتەنشە جاعداي • كەشە

تالقى

ادەبيەت • كەشە

قار ۇستىندەگى قارساق

ايماقتار • كەشە

الكەيدىڭ كۇندەلىگى

تاريح • كەشە

«حات قورجىن»

قوعام • كەشە

قارعىن سۋدان قاۋىپ بار

توتەنشە جاعداي • كەشە

وقۋشىلار تاپقان ولجا

جادىگەر • كەشە

ۇقساس جاڭالىقتار