كەڭەسكە پرەزيدەنت اكىمشىلىگىنىڭ, سالالىق مەملەكەتتىك ورگانداردىڭ, «اتامەكەن» ۇكپ, «سامۇرىق-قازىنا» ۇاق» اق جانە عىلىمي قوعامداستىقتىڭ وكىلدەرى قاتىستى. ۆيتسە-پرەمەر عىلىمنىڭ وندىرىسپەن ءوزارا بايلانىسىنىڭ ماڭىزدى ءرولىن, حالىقتىڭ ەڭبەك تابىسىن وسىرۋدەگى عىلىمنىڭ ۇلكەن الەۋەتىن اتاپ ءوتتى.
حالىقتىڭ تابىسىن ارتتىرۋ باعدارلاماسىنىڭ جوباسىندا 1700 جاڭا جۇمىس ورنىن قۇرا وتىرىپ, عىلىمي جانە عىلىمي-تەحنيكالىق قىزمەتتى كوممەرتسيالاندىرۋدىڭ 200-گە جۋىق جوباسىن ىسكە اسىرۋ كوزدەلگەن.
ە. توعجانوۆ حالىقتىڭ ەڭبەك تابىسىن ارتتىرۋعا عىلىمنىڭ ۇلەسىن كۇشەيتۋ جونىندەگى شارالاردى قوسىمشا پىسىقتاۋدى تاپسىردى. كەڭەستە عالىمداردى قولداۋ, عىلىمي ينفراقۇرىلىمدى جاڭعىرتۋ, عىلىم, ءوندىرىس پەن بيزنەستىڭ ءوزارا ءىس-قيمىلىن كەڭەيتۋ جونىندەگى ناقتى شارالاردى قامتيتىن عىلىمدى دامىتۋدىڭ 2022-2026 جىلدارعا ارنالعان تۇجىرىمداماسىنىڭ جوباسى تالقىلاندى.
سونداي-اق, ءبىلىم جانە عىلىم مينيسترلىگى تەحنيكالىق عىلىمداردى, ينجينيرينگ پەن تەحنولوگيالاردى دامىتۋعا باسا نازار اۋدارا وتىرىپ, 951 پەرسپەكتيۆالى عىلىمي ازىرلەمەلەردىڭ ءتىزىمىن تانىستىردى. بۇدان باسقا, سالالىق مەملەكەتتىك ورگاندار جانىنان عىلىمي-تەحنيكالىق كەڭەستەر قۇرۋ ارقىلى جەر قويناۋىن پايدالانۋشىلاردىڭ عزتكج-عا اۋدارىمدارىن ءبولۋ تەتىگى قارالدى.
كەڭەسكە قاتىسۋشىلاردىڭ ۇسىنىستارىن تىڭداعان پرەمەر-ءمينيستردىڭ ورىنباسارى زەرتتەۋلەردىڭ وندىرىستىك عىلىمعا اسەرىن كۇشەيتۋ, حالىقارالىق تەحنولوگيالىق كومپانيالاردا قىزمەت ەتەتىن جەتەكشى عالىم وتانداستاردى تارتۋ, تاجىريبەلىك-كونسترۋكتورلىق ازىرلەمەلەردىڭ ۇلەسىن ارتتىرۋ, ەكونوميكا مەن الەۋمەتتىك سالانىڭ ناقتى مىندەتتەرىن شەشۋ ءۇشىن عىلىمي ينستيتۋتتاردىڭ, كاسىپورىنداردىڭ زەرتحانالىق جابدىقتاردى بىرلەسىپ پايدالانۋى بويىنشا شارالار قابىلداۋدى تاپسىردى.
