الەۋمەتتىك جەلىدە تۇندە شىمبۇلاقتان ءتۇسىپ كەلە جاتقان جولدا تۇسىرىلگەن ۆيدەو پايدا بولدى. ۆيدەودا مىسىق تۇقىمداس جىرتقىش جىراعا ورمەلەپ بارا جاتقانى كورىنەدى. تۋريستەر قار بارىسىن بايقاعانىن ايتقان.
ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز قىزمەتى شىمبۇلاق شاتقالىندا تۇسىرىلگەن ۆيدەوعا شىنىمەن دە, قار بارىسى تۇسىرىلگەنىن راستادى.
«بارىستىڭ بۇل ايماقتا ءجۇرۋى تۇياقتى جانۋارلاردىڭ (ەلىك, ءسىبىر ەشكى جانە ت.ب.) قونىس اۋدارۋىمەن تىكەلەي بايلانىستى بولۋى مۇمكىن. تۋريستەردىڭ جىرتقىشتى ۆيدەوعا ءتۇسىرۋى سيرەك كەزدەسەتىن وقيعا جانە ءساتتى ءتۇسىرىلىم», دەدى كوميتەت وكىلدەرى.
