بۇل يگى ءىستى وبلىستىق جاستار رەسۋرستىق ورتالىعى ۇيىمداستىردى. «قار ۆاحتاسى» دەپ اتالعان اكتسيا اياسىندا ەرىكتىلەر جالعىزباستى قارت ادامدارعا, مۇگەدەكتەرگە, ۇوس ارداگەرلەرىنىڭ ۇيىنە بارىپ, ولاردىڭ اۋلالارىن قاردان تازارتۋعا كومەكتەستى.
قاراعاندى وبلىسى بويىنشا ۆولونتەرلەر فرونت-كەڭسەسىنىڭ باسشىسى ءمادينا تۇرسىنبەكوۆا اتالعان اكتسياعا وبلىستىڭ 16 ءوڭىرى قاتىسقانىن ءمالىم ەتتى.
– بۇگىنگە دەيىن 79 ءىس-شارا وتكىزىلىپ, وعان 299 ەرىكتى اتسالىستى. ال 1 ناۋرىزدا اكتسيا اياقتالدى جانە «قار ۆاحتاسىنا» قاتىسقان ەڭ بەلسەندى ۆولونتەرلەر ماراپاتتالدى, – دەپ حابارلادى ول.
قاراعاندى مەديتسينا ۋنيۆەرسيتەتىندەگى «سامۇرىق» ستۋدەنتتىك رەسپۋبليكاسىنىڭ قوعامدىق جۇمىس ءمينيسترى ايدوس جامالوۆ جاستاردىڭ بۇل اكتسياعا بەلسەنە قاتىسقانىن جەتكىزدى.
– مىسالى, ءبىز ءتورت ەرىكتى بارىپ, حانشايىم ەسىمدى اجەيدىڭ قار باسقان اۋلاسىن تازالادىق. جىگىتتەر قار كۇرەسە, قىزدار جاعى ءۇيدىڭ ءىشىن جيناپ, تاماق ءپىسىردى, – دەدى ول.
قاراعاندىلىق ەرىكتى جاستار «قار ۆاحتاسى» اكتسياسىنا بەلسەنە قاتىسىپ, ىزگى نيەتتى يگى ىستەردىڭ بەل ورتاسىندا بولعاندارىن ورىندى ماقتان ەتەدى.
قاراعاندى وبلىسى
