ادىلەتتىلىك پەن تۇراقتىلىقتى ايقىندايدى

جاڭا رەداكتسياداعى پرەامبۋ­لا ادام قۇقىقتارى مەن بوس­تان­دىقتارىن قورعاۋدى كۇشەي­تىپ, مەملەكەتتىك باسقارۋ تەتىكتەرىن زامان تالابىنا ساي قايتا قاراۋدى كوزدەپ وتىر. سونىمەن قاتار ول بيلىك تارماقتارى ارا­سىن­داعى تەپە-تەڭدىك پەن ءوزارا جاۋاپ­كەرشىلىك قاعيداتتارىن ناقتىلاي وتىرىپ, مەملەكەتتىك باسقارۋدىڭ نەعۇرلىم اشىق ءارى ءتيىمدى مودەلىن قالىپتاستىرۋعا نەگىز قالايدى.

وسى تۇرعىدان العاندا, ءبىر پالاتالى پارلامەنتكە (قۇرىل­تايعا) كوشۋ باستاماسى باسقارۋ جۇيەسىن ايقىنىراق ءارى ىقشام ەتۋگە, ارتىق دەڭگەيلەردى قىس­قار­تىپ, ينستيتۋتسيونالدىق ءوزارا ءىس-قيمىلدى جەڭىلدەتۋگە باعىتتالعان. زاڭ شىعارۋ جاۋاپ­كەر­شىلىگى بىرىڭعاي ورتا­لىققا شوعىرلانعان جاعدايدا شەشىم قابىلداۋ ۇدەرىسىنىڭ اشىقتىعى ارتىپ, ساياسي جاۋاپكەرشىلىك تە ناقتىلانادى. مۇنداي جاعدايدا پرەزيدەنت اكىمشىلىگى, پارلامەنت پەن ۇكىمەت اراسىنداعى ءوزارا ارەكەتتەسۋ الدەقايدا جەدەل ءارى ناتيجەلى بولماق. ارينە, بۇل – بەلگىلى ءبىر تاۋەكەلدەردى قام­تيتىن قادام. الايدا ول ۋاقىت تالابىنا ساي, كاسىبي ءارى جاۋاپ­تى پارلامەنتتىك جۇيە قالىپ­تاس­تى­ر­ۋعا مۇمكىندىك بەرەتىن ماڭىز­دى بەتبۇرىس.

جاڭا قىزمەت – ۆيتسە-پرەزي­دەنت لاۋازىمىنىڭ ەنگىزىلۋى دە بي­لىكتىڭ تۇراقتىلىعى مەن ساباقتاستىعىن قامتاماسىز ەتەتىن تەتىك. حالىق­ارالىق تاجىريبە­لەر­گە سۇيەن­سەك, ول وكىلدىك جانە ۇي­لەس­تىرۋشى فۋنكتسيالاردى اتقا­رادى. سونداي-اق مەملەكەت باسشىسىنىڭ جۇكتە­مە­سىن ازايتادى. پرەزيدەنت قاسىم-جومارت توقاەۆ­تىڭ سوزىنە سۇيەن­سەك, ەلدەگى جاڭا لاۋازىم وسىعان ساي كەلەدى.

مەملەكەت پەن قوعام اراسىن­داعى ءوزارا ءىس-قيمىلدىڭ ورنىقتى تەتىك­تەرىن قالىپتاستىرۋدا «قا­زاق­ستان حالىق كەڭەسىن» قۇرۋ تۋرا­لى ۇسىنىس – قوعامدىق ديالوگ­تىڭ تۇراقتى فورماتىن ينس­تي­تۋتسيونالدىق دەڭگەيدە بەكى­تۋگە باعىتتالعان وزەكتى قادام. جاڭا ينستيتۋتتىڭ باستى ەرەكشەلىگى – وعان زاڭ شىعارۋ باستاماسى قۇقىعىنىڭ بەرىلۋى. بۇل كەڭەس اياسىندا ازىرلەنگەن ۇسىنىستاردىڭ تەك كونسۋلتاتيۆتىك دەڭگەيدە قا­لىپ قويماي, زاڭنامالىق كەڭىس­تىكتە ناقتى قارالۋىنا جول اشا­دى. ناتيجەسىندە, قوعامدىق جانە وڭىرلىك سۇرانىستاردىڭ مەم­لە­كەت­­تىك شەشىمدەردە تىكە­لەي, كەڭى­نەن كورىنىس تابۋىنا مۇمكىندىك تۋادى.

جالپى العاندا, بۇلاردىڭ ءبارى – وزەكتى وزگەرىستەر. وسىلايشا ءبىز قوعامدىق ديالوگتىڭ دامۋى­نا, مەملەكەتىمىزدىڭ ۇزدىكسىز العا باسۋىنا جول اشامىز. كونستي­تۋ­تسيا­لىق كوميسسيا مۇشەلەرى اتا زاڭنىڭ جاڭا جوباسىنا ەنگىزىلەتىن وزگەرىستەردى جان-جاقتى سارالاپ, ساراپشىلار مەن قوعام تاراپىنان تۇسكەن ۇسىنىس-وتىنىشتەردى مۇقيات قا­رادى. بۇل ۇدەرىس ءار ازا­مات­تىڭ پىكىرىن ەسكەرۋگە نەگىز­­­دەلگەن اشىق تالقىلاۋمەن ەرەك­شە­لەن­دى. سوندىقتان قوعام مەن مەم­لە­كەت­تىڭ ءوزارا سەنى­مىنە سۇيەنگەن, ادىلەتتى ءارى تۇراق­تى دامۋ جولىن ايقىن­دايتىن رەفورمالارعا بەي­جاي قارا­ماي, ولاردى سانالى تۇردە قولداۋ – ەلدىڭ بولاشاعىنا جاۋاپ­كەر­شىلىكپەن قاراۋ دەگەن ءسوز.

گەننادي شيپوۆسكيح,

سەنات دەپۋتاتى