«2022 جىلى ءبىزدىڭ الدىمىزدا اقپاراتتىق جۇمىس ساپاسىن, وتاندىق باق-تىڭ باسەكەگە قابىلەتتىلىگىن ودان ءارى دامىتۋ مىندەتى تۇر. وسىلايشا, مەملەكەت باسشىسىنىڭ تاپسىرماسى بويىنشا ۇكىمەتتىڭ اقپاراتتىق جۇمىسىنىڭ دەڭگەيىن ايتارلىقتاي كوتەرۋ قاجەت. ول ءۇشىن مەملەكەتتىك ورگانداردى باعالاۋعا باق-پەن جۇمىس ىستەۋ كريتەريلەرىن ەنگىزۋ جوسپارلانۋدا», دەدى اسقار وماروۆ اقدم القاسىنىڭ كەڭەيتىلگەن وتىرىسىندا.
مينيستر اتاپ وتكەندەي, وسى جىلى ۆەدومستۆو باق جانە ۇەۇ وكىلدەرىمەن اقپارات سالاسىن دامىتۋدىڭ 2023-2025 جىلدارعا ارنالعان ۇلتتىق جوسپارى شەڭبەرىندە باق سالاسىن دامىتۋ ماسەلەسىن بەلسەندى تالقىلايتىن بولادى.
«مەديا مامانداردىڭ بىلىكتىلىگىن دامىتۋعا, حالىقتىڭ مەديا جانە اقپاراتتىق ساۋاتتىلىعىن قالىپتاستىرۋعا باعىتتالعان 2022-2023 جىلدارعا ارنالعان ارنايى وقىتۋ جوسپارىن ىسكە اسىرۋ جوسپارلانۋدا. قازاقستاندىق ينتەرنەت-سەگمەنتتى دامىتۋ بيىلعى جىلى باسىم باعىتتاردىڭ ءبىرى بولادى. قازاقتىلدى ينتەرنەت-رەسۋرستاردى, مۋلتيمەديالىق كونتەنتتى جانە ونلاين-پلاتفورمالاردى دا دامىتۋ قاجەت», دەپ تولىقتىردى ۆەدومستۆو باسشىسى.
اسقار وماروۆتىڭ ايتۋىنشا, قوعامداعى مەدياساۋاتتىلىق دەڭگەيىن ارتتىرۋ ءۇشىن ۇەۇ-مەن بىرلەسىپ مەديا جانە اقپاراتتىق ساۋاتتىلىق اپتاسىن وتكىزۋ جوسپارلانۋدا.
