وسىدان 23 جىل بۇرىن, ياعني 1999 جىلدىڭ 1 ناۋرىزىندا قۇرىلعان كەزدەن باستاپ پارتيا ءوز دامۋىندا ءتورت كەزەڭنەن ءوتتى. 2006 جىلعا دەيىن پارتيا ەلىمىزدىڭ ساياسي جۇيەسىندەگى ماڭىزدىلىعىن ارتتىردى, 2013 جىلعا دەيىن بيلىك پارتياسىنىڭ مارتەبەسىن قامتاماسىز ەتتى, 2017 جىلعا دەيىن رەبرەندينگ پەن مودەرنيزاتسيانى جۇزەگە اسىردى, 2022 جىلعا دەيىن جۇمىس ادىستەرى مەن تاسىلدەرىن وزگەرتۋدە بەلسەندىلىك تانىتتى.
2022 جىلدان باستاپ پارتيا تۇبەگەيلى قايتا قۇرۋدى, جۇمىستىڭ ىرگەلى قاعيدالارىن وزگەرتۋدى الدىنا ماقسات ەتىپ قويدى. پارتيانىڭ كەزەكتەن تىس سەزىندە پرەزيدەنت ق.توقاەۆ پارتيالىق باسقارۋدا ورتالىقسىزداندىرۋ, بيۋروكراتيا مەن قاعازباستىلىقتان ءۇزىلدى-كەسىلدى باس تارتۋ, پارتيا فراكتسيالارى قىزمەتىنىڭ تيىمدىلىگىن ارتتىرۋ مىندەتتەرىن قويدى. بۇل مىندەتتەردى جۇزەگە اسىرۋ ناقتى ناتيجەلەرگە قول جەتكىزۋگە مۇمكىندىك بەرەدى.
پارتيانى جاڭعىرتۋ تۋرالى شەشىم ۋاقىت تالابىنا ساي. الەمدەگى گەوساياسي شارتتار وزگەردى, كۇردەلى الەۋمەتتىك-ەكونوميكالىق جاعداي قالىپتاسىپ, قوعامداعى ساياسي تۇراقتىلىقتىڭ ماڭىزى ارتا تۇسۋدە. وسىنىڭ اياسىندا Amanat پارتياسى ساياسي جۇيەنى جاڭعىرتۋدىڭ درايۆەرى رەتىندە ارەكەت ەتۋى ءتيىس. بۇل دەر كەزىندە قالىپتاسقان ءۇردىس جانە باسقا پارتيالار دا وسى ۇستانىمدى نەگىزگە الادى دەگەن ءۇمىت بار.
پارتيانى جاڭعىرتۋدىڭ باسىمدىقتارى رەتىندە حالىقپەن كەرى بايلانىس تيىمدىلىگىن ارتتىرۋ, اشىقتىق پەن جاريالىلىقتى ارتتىرۋ ماسەلەلەرى قاراستىرىلادى. مۇنداي كوزقاراس بولاشاقتا تەك Amanat پارتياسىنا عانا ەمەس, جالپى ساياسي ينستيتۋتتارعا دەگەن سەنىمدىلىكتى ارتتىرا الادى. بۇگىنگى تاڭدا حالىقتىڭ سەنىمى بۇل ماڭىزدى فاكتور جانە پارتيا ەلەكتورات سەنىمىن ارتتىرۋ ءۇشىن قولدا بار رەسۋرستاردى پايدالانۋعا دايىن.
Amanat پارتياسىنىڭ جاقىن بولاشاقتاعى باسىم مىندەتتەرى – ىشكى پروتسەستەردى باعدارلامالىق قۇجاتتاردى جاڭارتۋ, جاستار قاناتىنىڭ قىزمەتىن جانداندىرۋ, سونىمەن قاتار حالىقپەن بايلانىس تيىمدىلىگىن ارتتىرۋ. پرەزيدەنت ق.توقاەۆتىڭ 16 ناۋرىزداعى قازاقستان حالقىنا جولداۋىنان ناقتى ماقساتتار مەن مىندەتتەردىڭ تۇجىرىمداۋىن كۇتۋ زاڭدىلىق. ولاردى جۇزەگە اسىرۋعا پارتيا بارىنشا بەلسەندى اتسالىسادى. حالىق ناقتى ناتيجەلەرگە قول جەتكىزۋدى كۇتەدى. ول ءۇشىن پارتيا جۇمىسىنىڭ تيىمدىلىگىن ارتتىرۋ, حالىقتىڭ پارتيانىڭ وزىنە, جالپى ەلىمىزدىڭ ساياسي ينستيتۋتتارىنا دەگەن سەنىمىن ارتتىرۋ قاجەت.
پارتيا قوعامدىق كەڭەستەردى وڭتايلاندىرۋدى, ولاردىڭ سانىن قىسقارتۋدى, كەڭەستەر قۇرامىن جاڭارتۋدى, كەڭەس وتىرىستارىن اشىق وتكىزۋدى جوسپارلاپ وتىر. قوعامدىق قابىلداۋلاردا قىزمەت كورسەتۋگە باعىتتالعان ءتاسىل قولدانىلادى, ياعني پارتيا بەلسەندى ءىس-شارالاردى جۇزەگە اسىرىپ, الدىن الا ارەكەت ەتۋگە تالپىنادى. سەزدە اۋىل جاستارىنا ارنالعان «ورلەۋ» پارتيالىق جوباسى مەن «قايسار» اسكەري-پاتريوتتىق جوباسى تانىستىرىلدى. كورىپ وتىرعانىمىزداي, پارتيا ءوز قىزمەتىمەن حالىقتىڭ اۋقىمدى بولىگى – بالالار مەن ەرەسەكتەردى قامتۋدى كوزدەيدى. بۇل ءۇشىن پارتيادا بارلىق قاجەتتى رەسۋرس بار.
Amanat جوعارى وقۋ ورىندارىندا ستۋدەنت جاستارمەن بەلسەندى جۇمىس ىستەپ, ولاردىڭ اراسىنان بەلسەندى جاستاردى تارتۋدى كوزدەگەن Jas Otan جاستار قاناتىنىڭ قىزمەتىن جانداندىرۋ مىندەتىن قويدى. Amanat پارتياسى رەتىندە ءورشىل جاستار ءۇشىن دە, ازاماتتىق بەلسەندىلەر ءۇشىن دە تارتىمدى. پارتيا ترانسفورماتسيا باعدارلاماسىن قولعا الۋدا, سونىڭ ىشىندە مەملەكەت باسشىسىنىڭ سوزىمەن ايتقاندا, نەمقۇرايلى مانساپقورلاردىڭ ورنىنا ەنتۋزياستار كەلەدى. ەندەشە, پارتيانى الدا قىرۋار جۇمىس كۇتىپ تۇر.
ەرمەك توقتاروۆ,
پرەزيدەنت جانىنداعى قسزي الەۋمەتتىك-ساياسي زەرتتەۋلەر ءبولىمىنىڭ باسشىسى
