فوتو: اشىق دەرەككوز
رەسەيدەگى ەڭبەك ميگرانتتارىنىڭ ماڭىزدى بولىگىن وتانداستارىمىز قۇرايتىندىقتان, بۇل وزگەرىس ولاردىڭ جۇمىس تۇراقتىلىعى مەن ماۋسىمدىق نەمەسە تۇراقتى كەلىسىمشارت جوسپارلارىنا تىكەلەي اسەر ەتۋى مۇمكىن.
قىرعىزستان ميگرانتتاردىڭ قۇقىعىن بۇزعانى ءۇشىن رەسەيدى سوتقا بەردى
بۇعان دەيىن رەسەيدىڭ ەڭبەك كودەكسى شەتەلدىك قىزمەتكەرمەن كەلىسىم-شارتتى تەك فەدەرالدىق شەكتەۋلەر ەنگىزىلگەن جاعدايدا عانا توقتاتۋعا مۇمكىندىك بەرەتىن. جاڭا رەداكتسيا بويىنشا ايماقتىق بيلىكتىڭ شەتەلدىك جۇمىس كۇشىن تارتۋعا تىيىم سالۋ تۋرالى شەشىمى دە جۇمىس بەرۋشىگە كەلىسىم-شارتتى بۇزۋ قۇقىعىن بەرەدى.
بۇل اسىرەسە قازاقستان مەن تمد ەلدەرىنەن كەلگەن ميگرانتتارعا, شەتەلدىك جۇمىس كۇشىن شەكتەۋ ەنگىزىلگەن سالالاردا, اتاپ ايتقاندا قۇرىلىس, اۋىل شارۋاشىلىعى, تۇرمىستىق قىزمەت كورسەتۋ سالاسى, ساۋدا جانە لوگيستيكادا قىزمەت ەتەتىندەرگە قاتىستى. تۇزەتۋلەردە ماسكەۋ, كراسنودار, نوۆگورود جانە نيجني نوۆگورود وبلىستارىندا جۇمىس ىستەيتىن شەتەلدىكتەردى كەيبىر سالالارعا تارتۋعا تىيىم سالىنعانى ايتىلعان.
ەندى رەسەيگە بارىپ جۇمىس ىستەۋگە نيەتتى وتانداستارىمىزعا ايماقتىق زاڭناماداعى وزگەرىستەردى مۇقيات قاداعالاۋعا كەڭەس بەرىلەدى. رەسەيلىك جۇمىس بەرۋشىمەن كەلىسىمشارتقا وتىرعاندا ساقتىق تانىتۋ قاجەت.
