جيىنعا حالىقارالىق اۆتوموبيل تاسىمالداۋشىلارى وداعى (قازاتو), «اتامەكەن» ۇلتتىق كاسىپكەرلەر پالاتاسى, KazLogistics وكىلدەرى, سونداي-اق ۋكراينا اۋماعىندا قالىپ قويعان اۆتوموبيلدەردىڭ باسىم بولىگى تيەسىلى وتاندىق تاسىمالداۋشى قاتىستى.
جينالىس بارىسىندا جۇك تاسىمالداۋشىلارى مەن جۇك اۆتوموبيلدەرىنىڭ جۇرگىزۋشىلەرىنە كومەك كورسەتۋ بويىنشا قابىلدانىپ جاتقان جانە الداعى ۋاقىتقا جوسپارلانعان شارالار تالقىلاندى.
ۋكراينادا ورىن العان وقيعالاردىڭ باستالۋىنا دەيىن ەل اۋماعىندا 50-گە جۋىق قازاقستاندىق جۇك اۆتوكولىك قۇرالى بولعان. ولاردى ۋكراينا اۋماعىنان شىعارۋ ۇشىن تاسىمالداۋشىلاردىڭ ءتىزىمى جاسالدى. اتالعان ءتىزىم قر سىرتقى ىستەر مينيسترلىگىنە تاپسىرىلدى.
قر يدم پولشا مەن مولدوۆانىڭ مەملەكەتتىك ورگاندارىنا ماشينالار مەن جۇرگىزۋشىلەردەن قوسىمشا قۇجاتتاردى تالاپ ەتپەي, رۇقساتتاما ۇسىنۋ ماسەلەلەرى بويىنشا جۇگىندى.
ايتا كەتسەك, 28 اقپان كۇنى قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ قازاقستاندىق
كەلىسسوز ناتيجەلەرى بويىنشا, بۇگىنگى تاڭدا 3 قازاقستاندىق جۇك كولىگى «روۆارۋسسكايا» وتكىزۋ پۋنكتى ارقىلى ۋكراينا-پولشا شەكاراسىن كەسىپ ءوتتى. قازىرگى ۋاقىتتا تاعى 8 كولىك ۋكراينا-مولدوۆا شەكاراسىنان «ستاروكوزاچە-تۋدورا» وتكىزۋ پۋنكتى ارقىلى وتەدى. قالعان قازاقستاندىق جۇك اۆتوموبيلدەرىن شىعارۋ بويىنشا جۇمىس جالعاساتىن بولادى.
كەڭەس بارىسىندا تاسىمالداۋشىلارعا بىرقاتار ۇسىنىس جاسالدى. اتاپ ايتساق:
- جۇرگىزۋشىلەردى ۋكراينانىڭ باتىس بولىگى ارقىلى پولشا مەن مولدوۆا شەكارالارىنا باعىتتاۋ (ەلدىڭ اتالعان اۋماعىندا جاعداي تۇراقتى جانە وتكىزۋ پۋنكتتەرى اشىق);
- كولىك قۇرالدارى كيەۆ پەن كيەۆ وبلىسىنا جاقىن جەردە بولعان جاعدايدا ولاردى احۋال تۇراقتالعانعا دەيىن قويمالار, كوپىرلەر مەن باسقا دا قۇرىلىستاردان قاۋىپسىز قاشىقتىققا جىلجىتىپ, ورنالاستىرۋ.
سونىمەن قاتار تاسىمالداۋشىلاردىڭ نازارىنا بەلارۋس شەكاراسى ارقىلى «جاسىل ءدالىز» اشۋ ماسەلەسىنىڭ پىسىقتالىپ جاتقانى تۋرالى اقپارات جەتكىزىلدى.
