«جاپپاي تارتىپسىزدىكتەرگە قاتىستى قىلمىستىق ىستەر ارنايى پروكۋرورلاردىڭ ءىس جۇرگىزۋىندە, ءوز كەزەگىندە ىشكى ىستەر ورگاندارى ۇرلىقتاردى, توناۋلاردى, قارۋ ۇرلاۋ مەن تارتىپسىزدىك بارىسىندا جاسالعان باسقا دا قىلمىستاردى تەرگەۋمەن اينالىسادى. قازىر ىشكى ىستەر ورگاندارى تەرگەۋشىلەرىنىڭ وندىرىسىندە 2997 قىلمىستىق ءىس بار, ولار بويىنشا سوت سانكتسياسىمەن 194 ادام قاماۋدا ۇستالىپ وتىر. اتاپ ايتساق, 152 ادام جاپپاي تارتىپسىزدىك بارىسىندا ۇرلىق جاساعانى ءۇشىن, 22 ادام قارۋدى زاڭسىز ساقتاعانى جانە 24 ادام قارۋدى ۇرلاعانى ءۇشىن قاماققا الىندى», دەدى سپيكەر ورتالىق كوممۋنيكاتسيالار قىزمەتىندە وتكەن بريفينگىدە.
جەكە باسىن, دەنساۋلىق جاعدايىن جانە تەرگەۋگە كورسەتىلگەن كومەكتى ەسكەرە وتىرىپ, 199 كۇدىكتىگە قاماۋدا ۇستاۋ شاراسى ەشقايدا كەتپەۋ تۋرالى قولحاتقا, كەپىلگە, ۇيقاماققا الۋعا جانە جەكە كەپىلگەرلىككە اۋىستىرىلعان.
«قاماۋداعى كۇدىكتىلەرگە تەرگەۋ يزولياتورلارىندا, سونداي-اق قاجەت بولعان جاعدايدا مەديتسينالىق مەكەمەلەردە بىلىكتى مەديتسينالىق جاردەم كورسەتىلەدى. قازىرگى ۋاقىتتا ىشكى ىستەر ورگاندارىنىڭ ىستەرى بويىنشا قامالعاندار اراسىندا دەنساۋلىققا شاعىمدانعاندار جوق. ولارعا ادۆوكاتتاردىڭ, تۋىستاردىڭ جانە قۇقىق قورعاۋشىلاردىڭ كەلۋىنە كەدەرگىسىز رۇقسات قامتاماسىز ەتىلگەن. ىشكى ىستەر ورگاندارى قاڭتار وقيعالارى بويىنشا 174 كۇدىكتىگە قاتىستى قىلمىستىق ىستەردى ايىپتاۋ اكتىسىمەن اياقتادى», دەدى سانجار ءادىلوۆ.
