تۇجىرىمداما ساباقتاستىقتى ساقتاپ, ساپا, باسەكەلەستىك, رەنتابەلدىلىك جانە تۇراقتى دامۋ قاعيداتتارىنا نەگىزدەلەتىن بولادى.
«تۇجىرىمدامانى قابىلداۋ وتاندىق تۋريستىك سالانى ءتيىمدى دامىتۋ ءۇشىن قاجەتتى جاعدايلار جاسايدى جانە 2026 جىلى ءجىو قۇرىلىمىندا 6,5%-دىق ۇلەسكە قول جەتكىزۋ جونىندەگى مىندەتكە قول جەتكىزۋگە مۇمكىندىك بەرەدى», دەلىنگەن مينيسترلىك حابارلاماسىندا.
جالپى, تۇجىرىمداما كولىكتىك جانە قالالىق ينفراقۇرىلىمدى دامىتۋدى, اۆتوموبيل قاتىناسى مەن تۇراقتى قالالىق كولىكتىڭ قولجەتىمدىلىگىن, اۋە جانە تەمىرجول قاتىناسىن دامىتۋدى, شەكارالىق وتكىزۋ پۋنكتتەرىنىڭ ينفراقۇرىلىمىن, سۋمەن جابدىقتاۋ جانە سۋ بۇرۋ, قاتتى قالدىقتاردى وڭدەۋ, ەلەكترمەن جابدىقتاۋ, سونداي-اق, تەلەكوممۋنيكاتسيا, سەرۆيستىك جانە باسقا دا تۋريستىك ينفراقۇرىلىمدى (كولىك حابتارى, اۋەجايلار, تەمىرجول ۆوكزالدارى, جەرگىلىكتى ماڭىزى بار اۆتوموبيل جولدارى) دامىتۋدى قوسا العاندا, ەلدىڭ تۋريستىك دەستيناتسيالارىن كەشەندى دامىتۋ مەن اباتتاندىرۋدى كورسەتەدى, ەلدى مەكەندەردەن تىس تۋريستىك وبەكتىلەرگە كىرمە جولدار, جول بويىنداعى سەرۆيس, سانيتاريالىق-گيگيەنالىق توراپتار, اۋماقتى اباتتاندىرۋ, جۇمساق ينفراقۇرىلىم جانە ت.ب.), قازاقستاننىڭ تابيعي, تاريحي-مادەني, ەتنوستىق ارتۇرلىلىگى مەن گاسترونومياسىنىڭ ەرەكشەلىكتەرىن ەسكەرە وتىرىپ, تۋريستىك دەستيناتسيالاردىڭ اينالاسىندا ساپالى جانە تەڭتۇپنۇسقالى تۋريستىك ونىمدەر جاساۋ.
تۇجىرىمدامانى ىسكە اسىرۋ ءۇشىن تۋريستىك سالاداعى ماسەلەلەردى شەشۋگە باسا نازار اۋدارۋ جوسپارلانۋدا. وسىعان بايلانىستى نەگىزگى تاسىلدەر, اتاپ ايتقاندا, تۋريزم, لوگيستيكا ينفراقۇرىلىمىن قۇرۋ جانە دامىتۋ بەلگىلەنگەن.
كوزدەلگەندەي, ينۆەستيتسيالىق تارتىمدىلىققا تۋريستىك سالا ماسەلەلەرى جونىندەگى زاڭنامادا كوزدەلگەن ىنتالاندىرۋ قۇرالدارىن, سونداي-اق كاسىپكەرلىكتى قولداۋدىڭ ستراتەگيالىق قۇجاتتارىن قولدانۋ ەسەبىنەن قول جەتكىزىلەتىن بولادى.
ەلدى مەكەندەردەن تىس تۋريستىك وبەكتىلەرگە كىرمە جولدار سالۋدى دامىتۋ جوسپارلانۋدا.
بۇدان باسقا, ۇلتتىق پاركتەردە ەكولوگيالىق تۋريزم جونىندەگى جوبالاردى تابىستى ىسكە اسىرۋ ءۇشىن زاكىرلىك ينۆەستورلارمەن جۇمىستى جالعاستىرۋ جوسپارلانۋدا.
جۇرگىزىلگەن زەرتتەۋ شەڭبەرىندە اۆتوموبيل جولدارى بويىنداعى تۋريستىك دەستيناتسيالارعا قاجەتتىلىك ايقىندالدى. زەرتتەۋ ناتيجەلەرى كورسەتكەندەي, رەسپۋبليكا بويىنشا 931 سانيتاريالىق توراپتارى بار سەرۆيس وبەكتىسىنە قاجەتتىلىك بار.
سونداي-اق, ينۆەستيتسيالاردى جوسپارلاۋ قاعيداتى ەنگىزىلەتىن بولادى. وسىلايشا, تۋريستىك مارشرۋتتاردى تۇگەندەۋ جانە تۋريستىك ينفراقۇرىلىمنىڭ دامۋىن رەيتينگتىك باعالاۋ بويىنشا وڭىرلەردە جۇرگىزىلگەن جۇمىستار ناقتى وبەكتىلەرگە قاجەتتىلىكتى انىقتاۋ مۇمكىن بولادى.
زەرتتەۋلەر ناتيجەلەرىن تالداۋ نەگىزىندە مۇددەلى تاراپتار ءۇشىن:
- ءاربىر دەستيناتسيا ءۇشىن جەكە تۋريستىك ينفراقۇرىلىمدى دامىتۋعا باعىتتالعان ءوزارا بايلانىستى تەحنيكالىق جانە ۇيىمداستىرۋشىلىق ءىس-شارالار, ونىڭ ىشىندە:
- تۋريستىك وبەكتىلەر, سونداي-اق تۋريستىك دەستيناتسيالارداعى اۋەجايلار, ۆوكزالدار اراسىنداعى اۆتوموبيل جانە تەمىرجول جولدارىن سالۋ, جوندەۋ, رەكونسترۋكتسيالاۋ جانە جاڭعىرتۋ ماسەلەسىن پىسىقتاۋ;
- دەستيناتسيالار اۋماعىندا تولىققاندى جول بويىنداعى, سەرۆيستىك جانە جۇمساق ينفراقۇرىلىمدى دامىتۋ/جاڭعىرتۋ, ناقتى وبەكتىلەردىڭ قاجەتتىلىگىن جانە ولاردىڭ ورنالاسقان جەرىن ايقىنداي وتىرىپ, ولارعا بارار جولدا (سمۋ, كەمپينگ, سەرۆيستىك قىزمەت كورسەتۋ وبەكتىلەرى, قوعامدىق تاماقتاندىرۋ پۋنكتتەرى, مەديتسينالىق جانە سانيتاريالىق پۋنكتتەر, اقپاراتتىق ستەندىلەر, كورسەتكىشتەر, باعدارلاۋ بەلگىلەرى, كىرمە جولدار, مۇمكىندىكتەرى شەكتەۋلى ادامدارعا ارنالعان اباتتاندىرۋ ەلەمەنتتەرى جانە باسقالار);
- قولدانىستاعى تۋريستىك ونىمدەر مەن مارشرۋتتاردى جەتىلدىرۋ/كەڭەيتۋ جانە جاڭالارىن قۇرۋ, ولاردىڭ تۋريستەر ءۇشىن تارتىمدىلىعىن ارتتىرۋ, ۇلگىلىك تۋريستىك مارشرۋتتاردىڭ جۇمساق ينفراقۇرىلىمىن دامىتۋ.
تۋريستىك مارشرۋتتاردى تۇگەندەۋ جەرگىلىكتى اتقارۋشى ورگاندارمەن, سالالىق جانە كاسىپكەرلىك قاۋىمداستىقتاردىڭ, تۋريستىك بيزنەستىڭ وكىلدەرىمەن بىرلەسىپ جۇزەگە اسىرىلاتىن بولادى.
وسىعان بايلانىستى گەوگرافيانى كەڭەيتۋ جانە ىشكى اۆياۇشۋلاردىڭ قۇنىن تومەندەتۋ ءۇشىن وتاندىق اۆياكومپانيالارمەن جاڭا تۇراقتى اۆيامارشرۋتتاردى اشۋ, بيلەتتەردى ارزانداتۋ, سونداي-اق ۇشاقتاردىڭ بورتتارىن تولتىرۋ بولىگىندە باعىتتى پىسىقتاۋ جونىندەگى ماسەلەنى پىسىقتاۋ جوسپارلانۋدا.
كولىكتىك قولجەتىمدىلىكتى ودان ءارى دامىتۋ ءۇشىن وتاندىق اۆياكومپانيالار, تەمىرجول جانە اۆتوكولىك تاسىمالداۋشىلارى ەل ىشىندە ينتەرمودالدىق جولاۋشىلار تاسىمالىن دامىتاتىن بولادى, بۇل كولىكتىك قاجەتتىلىكتەردى نەعۇرلىم تولىق ساپالى قاناعاتتاندىرۋ ماقساتىندا جولاۋشىلاردى تاسىمالداۋ پروتسەسىنە قاتىساتىن كولىكتىڭ ەكى جانە ودان دا كوپ ءتۇرىن پايدالانۋدى بىلدىرەدى.
قۇجاتتا اتاپ وتىلگەندەي, 2022 جىلدان باستاپ ەلىمىزدە ءتۋريزمدى دامىتۋعا باعىتتالعان جاڭا زاڭنامالىق شارالاردى ىسكە اسىرۋ باستالدى:
- تۋريستىك قىزمەت وبەكتىلەرىن قۇرۋ كەزىندە ينۆەستيتسيالىق پرەفەرەنتسيالار ءۇشىن شەكتى دەڭگەيدى تومەندەتۋ;
- تاۋ شاڭعىسى كۋرورتتارى ءۇشىن جابدىقتار مەن تەحنيكا ساتىپ الۋ بويىنشا شىعىنداردىڭ ءبىر بولىگىن وتەۋ;
- تۋريستىك وبەكتىلەردى سالۋ, رەكونسترۋكتسيالاۋ كەزىندەگى شىعىنداردىڭ ءبىر بولىگىن وتەۋ;
- تۋريستىك قىزمەتتى جۇزەگە اسىراتىن كاسىپكەرلىك سۋبەكتىلەرىنە جۇرگىزۋشىنىڭ ورنىن قوسپاعاندا, سىيىمدىلىعى سەگىزدەن استام وتىراتىن ورنى بار اۆتوموبيل كولىك قۇرالدارىن ساتىپ الۋ بويىنشا شىعىنداردىڭ ءبىر بولىگىن وتەۋ (تۋراۆتوبۋستار);
- جول بويىنداعى سەرۆيس وبەكتىلەرىن سالۋ بويىنشا شىعىنداردىڭ ءبىر بولىگىن وتەۋ;
- سانيتارلىق-گيگيەنالىق توراپتاردى كۇتىپ-ۇستاۋعا سۋبسيديالاۋ;
- شەتەلدىكتەر ءۇشىن تۋريستىك جارنا تولەۋ.
تۇجىرىمدامانى ازىرلەۋشىلەردىڭ پىكىرىنشە, اتالعان بارلىق شارالاردىڭ اسەرى 5 جىل ىشىندە 170 مىڭعا جۋىق جاڭا جۇمىس ورىندارىن قۇرۋعا جانە قازاقستان ەكونوميكاسىنا 135 ملرد تەڭگەدەن استام سوماعا قوسىمشا بيۋدجەت كىرىستەرىن تارتۋعا, 1 مىڭنان استام ينۆەستيتسيالىق جوبالاردى ىسكە اسىرۋعا مۇمكىندىك بەرەدى.
بولجامدىق ەسەپتەۋلەرگە سايكەس, 2026 جىلعا قاراي كاسىپكەرلەردى جاڭا شارالارمەن جالپى قامتۋ كەمىندە 2,5 مىڭ بىرلىككە جەتەدى.
قۇجات جوباسى 16 ناۋرىزعا دەيىن جاريا تالقىلاۋ ءۇشىن «اشىق نقا» سايتىندا ورنالاستىرىلعان.
