«امانات» - ورتاق ماعىناداعى تسەنتريستىك پارتيا. ول - ادىلدىك پارتياسى, حالىق بىرلىگى پارتياسى, العا قاراي نىق قادام باسۋ پارتياسى, حالىقتىڭ پىكىرى مەن ارمانىن تىڭدايتىن جانە ازاماتتارىمىزدىڭ مۇددەسى ءۇشىن ارەكەت ەتەتىن پارتيا», دەدى قاسىم-جومارت توقاەۆ پارتيانىڭ XXII سەزىندە.
پرەزيدەنتتىڭ ايتۋىنشا, ايتىلعانداردىڭ ءبارى ۋكراينانىڭ اينالاسىندا بولىپ جاتقان وقيعالار اياسىندا ەرەكشە مانگە يە.
ء«بىزدىڭ ۇستانىمىمىز مەملەكەتىمىزدىڭ قاۋىپسىزدىگىن, ەگەمەندىگىن, اۋماقتىق قۇندىلىعىن قامتاماسىز ەتۋدىڭ اسا ماڭىزدى قاجەتتىلىگىن نەگىزگە الۋعا ءتيىس. 2010 جىلى ەقىۇ ءسامميتىن قابىلداعان ەل رەتىندە ءبىز ەۋرازيالىق قاۋىپسىزدىكتىڭ بولىنبەۋشىلىك قاعيداتىنا سۇيەنەمىز. بولىنبەۋشىلىك جانە ورتاق قاۋىپسىزدىك قاعيداتى ءوزارا سەنىم نەگىزىندە ءوزارا تۇسىنىستىكتى بىلدىرەدى. وكىنىشكە قاراي, مينسك كەلىسىمى قاعاز جۇزىندە قالدى, بۇل ۋكراينا اۋماعىندا اسكەري ءىس-قيمىلدارعا اكەلدى», دەدى مەملەكەت باسشىسى.
«گەوساياسي جاعداي ۋشىعىپ كەتتى. سوندىقتان ءبىز ەكى مەملەكەتتى كەلىسسوزدەر ۇستەلىندە ورتاق ءتىل تابۋعا شاقىرامىز. باسقا جول جوق. ال قازاقستان قاجەت بولعان جاعدايدا ءوز تاراپىنان دەلدالدىق قىزمەتتەردى قوسا العاندا, جان - جاقتى كومەك كورسەتۋگە دايىن», دەپ تۇيىندەدى ق.توقاەۆ.
