شاپكەنوۆتىڭ ايتۋىنشا, بيىل پرواكتيۆتى قىزمەتتەردى 25 تۇرگە دەيىن جەتكىزۋ جوسپارلانۋدا. مينيستر مەملەكەتتىك قىزمەت كورسەتۋ كەزىندە ۆەدومستۆو جەكە قىزمەتكە ەمەس, ازاماتتىڭ ومىرلىك جاعدايىنا سۇيەنەتىنىن اتاپ ءوتتى.
«مۇگەدەكتىك بەلگىلەنگەن جانە جاردەماقى مەن وڭالتۋدىڭ تەحنيكالىق قۇرالدارىن العان كەزدە دەنساۋلىعىنان ايىرىلعان ازاماتتارعا ەمحانا, مەديتسينالىق-الەۋمەتتىك ساراپتاما ءبولىمى, حالىققا قىزمەت كورسەتۋ ورتالىعى جانە اكىمدىك ينستانتسيالارىنا جۇگىنۋگە تۋرا كەلەدى. مەملەكەت باسشىسى 2021 جىلدىڭ اقپان ايىندا نسود وتىرىسىندا مۇمكىندىگى شەكتەۋلى جاندارعا بارىنشا قولايلى جاعداي جاساۋدى, قاعازباستىلىقتى الىپ تاستاۋدى تاپسىردى. وسىعان بايلانىستى ءبىزدىڭ مينيسترلىك دەنساۋلىق ساقتاۋ جانە تسيفرلىق دامۋ مينيسترلىكتەرىمەن بىرلەسىپ, مۇگەدەكتىكتى سىرتتاي انىقتاۋ بويىنشا شارالار قابىلدادى», دەدى قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ.
ءمينيستردىڭ ايتۋىنشا, قازىرگى ۋاقىتتا ەلىمىزدىڭ بارلىق وڭىرىندە مۇگەدەكتىكتى انىقتاۋ ءۇشىن مەديتسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا پيلوتتىق جوبا ىسكە قوسىلدى. بۇل رەتتە ازامات تۇرعىلىقتى جەرى بويىنشا ەمحاناعا عانا جۇگىنەدى, قالعان پروتسەستەر اقپاراتتىق جۇيەلەردى ينتەگراتسيالاۋ ارقىلى ادامنىڭ قاتىسۋىنسىز وتەدى.
«2022 جىلعى 23 اقپانداعى جاعداي بويىنشا سىرتتاي فورماتتا 6753 ءوتىنىم قارالدى. جالپى, بيىل ءبىز مۇگەدەكتىگى بار ازاماتتاردىڭ 20%-ىن وسى تاسىلمەن قامتۋدى جوسپارلاپ وتىرمىز. سونىمەن قاتار مۇگەدەكتىگى بار ادامدار ءۇشىن 2021 جىلدان باستاپ الەۋمەتتىك قىزمەتتەر پورتالى ەنگىزىلدى. بۇعان دەيىن بۇل ازاماتتار قاجەتتى قىزمەتتەر مەن تەحنيكالىق وڭالتۋ قۇرالدارىن الۋ ءۇشىن اكىمدىكتەر مەن حالىققا قىزمەت كورسەتۋ ورتالىقتارىنا جىبەرىلگەن بولاتىن. بۇل وتە ىڭعايسىز بولدى, ولار كوپ ۋاقىت جۇمسادى, قىزمەتتەر كەش ورىندالدى. پورتال قىزمەت جەتكىزۋشىلەرىن ءوز بەتىنشە تاڭداۋعا مۇمكىندىك بەرەدى, ال مەملەكەت تاۋاردىڭ نەمەسە قىزمەتتىڭ قۇنىن وتەيدى. وسىنىڭ ارقاسىندا كەيبىر جاعدايلاردا قىزمەتتەردى الۋ مەرزىمى التى ايدان ەكى اپتاعا دەيىن قىسقاردى. ناتيجەسىندە 2021 جىلى پورتال ارقىلى 371 مىڭنان استام قىزمەت كورسەتىلدى جانە وڭالتۋ باعدارلامالارىنىڭ ورىندالۋى 2019 جىلعى 62%-دان 2021 جىلى 88%-عا دەيىن ۇلعايدى, ال بيىل وڭالتۋ باعدارلامالارىنىڭ ورىندالۋ دەڭگەيى 90%-دان اسادى دەپ جوسپارلاپ وتىرمىز», دەپ قوستى قر ەڭبەك مينيسترلىگىنىڭ باسشىسى.
مينيستر بۇگىنگى تاڭدا الەۋمەتتىك-ەڭبەك سالاسىندا ەلەكتروندىق فورماتتا 42 قىزمەت ءتۇرى نەمەسە 45 مەملەكەتتىك قىزمەتتىڭ 93% ۇسىنىلاتىنىن, ونىڭ ىشىندە 21 قىزمەت نەمەسە 43% پرواكتيۆتى تۇردە الىنۋى مۇمكىن ەكەنىن اتاپ ءوتتى.
2021 جىلى بارلىعى 12,6 ملن مەملەكەتتىك قىزمەت كورسەتىلدى, ونىڭ ىشىندە 9,1 ملن نەمەسە 72% ەلەكتروندىق تۇردە كورسەتىلدى. بۇل 2020 جىلمەن سالىستىرعاندا 12%-عا ارتىق. 2025 جىلعا قاراي بارلىق مەملەكەتتىك قىزمەتتەردىڭ 100%-ىن ەلەكتروندىق فورماتقا كوشىرۋ جوسپارلانعان.
