Stopfake.kz. سايتىندا ايتىلعانداي TikTok پايدالانۋشىسى mod.gov.kz لوگينىمەن ونداعان بەينەروليكتەردى جاريالاپ ۇلگەردى. بەينەروليكتىڭ ءبىر بولىگى قر قارۋلى كۇشتەرىمەن بايلانىستى بەينە جاتتىعۋلارى مەن جاڭالىقتاردان ۇزىندىلەر.
«TikTok-تەگى اككاۋنت جالعان جانە قر قورعانىس مينيسترلىگىنىڭ رەسمي اككاۋنتتارىنا قاتىسى جوق», دەپ اتاپ ءوتتى مينيسترلىكتىڭ ءباسپاسوز قىزمەتىندە.
ايتا كەتۋ كەرەك, قر قورعانىس مينيسترلىگىنىڭ رەسمي سايتىندا TikTok الەۋمەتتىك جەلىسى تىزىمدە كورسەتىلمەگەن.
بۇعان دەيىن الەۋمەتتىك جەلىلەردە قازاقستاندىق اسكەري قىزمەتشىلەردىڭ ۋكرايناعا جىبەرىلەتىنى تۋرالى اقپارات تاراعان بولاتىن. بۇل دا جالعان اقپارات.
«قازاقستاندىق اسكەري قىزمەتشىلەردى ۋكرايناعا نەمەسە قانداي دا ءبىر باسقا ەلگە جىبەرۋ تۋرالى ەشقانداي اقپارات بولمادى. جەكە قۇرامدى اۋىستىرۋعا, وقىتۋعا, جاتتىقتىرۋعا بايلانىستى قازاقستان قارۋلى كۇشتەرىنىڭ جاۋىنگەرلىك ازىرلىگى مەن جاۋىنگەرلىك دايارلىعىن ارتتىرۋ جونىندەگى ءىس-شارالار جوسپارلى تارتىپپەن جۇرگىزىلەدى» دەپ مالىمدەدى قر قورعانىس مينيسترلىگىنىڭ ءباسپاسوز قىزمەتى.
ايانا توعانبەك
