«مەملەكەت باسشىسى «سق-فارماتسيا» بازاسىندا مەديتسينالىق تەحنيكانى ورتالىقتاندىرىلعان ساتىپ الۋعا كوشۋدى تاپسىردى. وسىعان بايلانىستى وڭىرلەردىڭ قاجەتتىلىگىنە تالداۋ جۇرگىزىلىپ, نورماتيۆتىك بازا مەن اقپاراتتىق جۇيەلەر پىسىقتالادى. بۇدان ءارى قارجىلاندىرۋ كوزدەرىن ايقىنداي وتىرىپ, 2025 جىلعا دەيىنگى باسىم باعىتتار بويىنشا مەديتسينالىق تەحنيكامەن جاراقتاندىرۋ باعدارلاماسى بەكىتىلەدى», دەدى ۆەدومستۆو باسشىسى.
ءمينيستردىڭ سوزىنشە, سىبايلاس جەمقورلىققا قارسى قىزمەتتىڭ تەكسەرۋلەرى مەديتسينالىق جابدىقتاردى ساتىپ الۋ ۆەدومستۆوداعى بيۋدجەت قاراجاتىن جىمقىرۋدىڭ نەگىزگى كوزدەرىنىڭ ءبىرى ەكەنىن كورسەتكەن.
«جالپى 2021 جىلى 71 قىلمىستىق قۇقىق بۇزۋ فاكتىسى انىقتالدى. سونداي-اق, مەديتسينالىق قوسپالاردى تولەۋگە بولىنگەن بيۋدجەت قاراجاتىنىڭ ماقساتسىز جۇمسالعانى بايقالادى. مونيتورينگىلىك توپتاردىڭ جۇمىسىندا زاڭسىزدىقتار انىقتالدى. ۆاكتسينالاۋدىڭ جالعان ەلەكتروندىق پاسپورتتارىن بەرۋ فاكتىلەرى تىركەلگەنىن بىلەسىزدەر. ونداي ساناتتاعى زاڭسىزدىقتار اسىرەسە نۇر-سۇلتان جانە الماتى قالاسىندا, تۇركىستان, الماتى, اقمولا جانە قوستاناي وبلىستارىندا ءجيى تىركەلدى. سالادا سىبايلاس جەمقورلىق كورىنىستەرىمەن ىمىراسىز كۇرەس ساياساتى جالعاساتىنىن ايتقىم كەلەدى», دەدى مينيستر.
