«قازاقستان رەسپۋبليكاسى اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىنە سايكەس 2022 جىلعى 8 ناۋرىزدان باستاپ كاتارلىق «Qatar Airways» اۋە كومپانياسى دوحا - الماتى - دوحا باعىتى بويىنشا رەيستەر سانىن اپتاسىنا 2-دەن 3 رەيسكە دەيىن جانە 2022 جىلعى 19 ناۋرىزدان اپتاسىنا 3 رەيستەن 4 رەيسكە دەيىن ارتتىرۋدى جوسپارلاپ وتىر», دەلىنگەن حابارلامادا.
رەيستەر ا320 ءتيپتى اۋە كەمەسىندە دۇيسەنبى, سارسەنبى, جۇما جانە جەكسەنبى كۇندەرى سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋەكومپانيا سايتىندا جاريالانعان كەستەگە سايكەس ورىندالاتىن بولادى.
وسى باعىت بويىنشا رەيستەردىڭ ۇلعايۋى ساۋدا-ەكونوميكالىق ىنتىماقتاستىقتى, تۋريزم مەن ەلدەر اراسىنداعى ىسكەرلىك ارىپتەستىكتى دامىتۋعا, سونداي-اق قازاقستاننىڭ ينۆەستيتسيالىق تارتىمدىلىعىن ارتتىرۋعا ىقپال ەتەدى.
