«28 اقپانداعى جاعداي بويىنشا ۋكراينا-پولشا شەكاراسىن قازاقستاننىڭ 241 ازاماتى كەسىپ ءوتتى. شەكارادا تاعى 99 وتانداس كۇتىپ تۇر, ولارمەن بىرگە قازاقستاننىڭ كيەۆتەگى ەلشىلىگىنىڭ ديپلوماتتارى بار.
قازاقستاننىڭ پولشاداعى ەلشىلىگى ءبىزدىڭ ازاماتتاردىڭ شەكارادان ءوتۋىن قامتاماسىز ەتۋ ءۇشىن پولياك تاراپىنان شەكارادا ديپلوماتتاردىڭ تاۋلىك بويى كەزەكشىلىگىن قامتاماسىز ەتتى», دەلىنگەن حابارلامادا.
«ەير استانا» ەۆاكۋاتسيونالىق بورتى (174 ورىن) 28 اقپاندا نۇر-سۇلتان ۋاقىتى بويىنشا ساعات 09.50-دە اتىراۋ قالاسىنان ۇشىپ شىقتى. كاتوۆيتسى قالاسىنا كەلۋدىڭ ەسەپتىك ۋاقىتى نۇر-سۇلتان ۋاقىتى بويىنشا ساعات 14.00.
كاتوۆيتسە-اتىراۋ باعىتى بويىنشا كەرى ۇشۋ 28 اقپاندا نۇر-سۇلتان ۋاقىتىمەن ساعات 15.30-دا جوسپارلانعان.
بۇدان بۇرىن حابارلانعانداي, كاتوۆيتسى قالاسىنا قر ازاماتتارىنىڭ جينالۋىنا قاراي قوسىمشا ەۆاكۋاتسيالىق رەيستەر جوسپارلانعان.
