وتكەن ءتۇنى حاركوۆتا جارىلىستار باستالدى. توتەنشە جاعدايلار قىزمەتىنىڭ مالىمەتىنشە, حاركوۆتاعى جارىلىس سالدارىنان 9 قاباتتى ءۇيدىڭ تۇرعىنى قايتىس بولدى. قۇتقارۋشىلار جيىرما شاقتى ادامدى ەۆاكۋاتسيالادى. ءۇيدىڭ جەرتولەسىندە 60-قا جۋىق ادام وق اتۋدان جاسىرىنىپ وتىرعان. ولاردىڭ ەشقايسىسى زارداپ شەككەن جوق.
چەرنيگوۆ قالاسىنا زىمىران سوققىسى ءتۇسۋى مۇمكىن ەكەندىگىن ەسكەرتىپ, ازاماتتارعا تۇندە ساقتانىپ جۇرۋىنە كەڭەس بەرىلدى.
«ۋكراينا ءوزىنىڭ ەنەرگەتيكالىق جۇيەسىن رەسەي مەن بەلارۋستىڭ بىرىككەن جەلىسىنە قوسپايدى», دەپ حابارلادى ەلدىڭ ەنەرگەتيكا ءمينيسترى گەرمان گالۋششەنكو.
سونىمەن قاتار, لۆوۆتاعى تەمىرجول ۆوكزالىندا مىڭداعان ادامدار پولشاعا پويىز كۇتىپ وتىر.
