قازاقستاننىڭ بارلىق اۋماقتارىندا جاۋىن-شاشىنسىز اۋا رايى كۇتىلەدى. تەك ەلىمىزدىڭ باتىسىندا وڭتۇستىك تسيكلون شۇڭقىرىنىڭ ىقپالىمەن جاڭبىر مەن قار ارالاس جاۋىن-شاشىن جاۋىپ, كوكتايعاق كۇتىلدى. رەسپۋبليكا بويىنشا كەي جەرلەرى تۇماندى بولادى. ەلىمىزدىڭ باتىسىندا, وڭتۇستىگىندە جانە شىعىسىندا جەلدىڭ كۇشەيۋى كۇتىلەدى. اتىراۋ, ماڭعىستاۋ, اقتوبە وبلىستارىنىڭ وڭتۇستىگىندە, باتىسىندا جانە ورتالىعىندا جەل 15-20 م/س دەيىن كۇشەيەدى, اتىراۋ وبلىسىنىڭ سولتۇستىگىندە تۇمان كۇتىلەدى. باتىس قازاقستان وبلىسىنىڭ وڭتۇستىك-باتىسىندا كوكتايعاق, سولتۇستىگىندە تۇمان كۇتىلەدى. كۇندىز الماتى وبلىسىنىڭ جالاڭاشكول اۋدانىندا جەل 18-23 م/س كۇشەيەدى. قىزىلوردا وبلىسىنىڭ سولتۇستىگىندە تۇمان, كۇندىز جەلدىڭ كۇشەيۋى 15-20 م/س كۇتىلەدى. تۇندە جانە تاڭەرتەڭ جامبىل وبلىسىنىڭ وڭتۇستىگىندە, تاۋلى اۋدانداردا – تۇمان, وبلىستىڭ سولتۇستىك-شىعىسىندا, تاۋلى اۋدانداردا جەلدىڭ كۇشى 15-20 م/س جەتەدى. تۇندە شىعىس قازاقستان وبلىسىنىڭ سولتۇستىگىندە تۇمان كۇتىلەدى, وبلىستىڭ باتىسىندا 15-20 م/س دەيىن جەل كۇشەيەدى. اقمولا وبلىسىنىڭ سولتۇستىگىندە, شىعىسىندا, قوستاناي وبلىسىنىڭ سولتۇستىگىندە, سولتۇستىك قازاقستان وبلىسىنىڭ وڭتۇستىگىندە, پاۆلودار وبلىسىنىڭ باتىسىندا, وڭتۇستىگىندە, شىعىسىندا, قاراعاندى وبلىسىنىڭ سولتۇستىگىندە, باتىسىندا تۇمان كۇتىلەدى.
