قر-نىڭ ءدىني قىزمەتىن جانە ءدىني بىرلەستىكتەر تۋرالى زاڭناماسىن بۇزعانداردىڭ ارقايسىسىنا 102 095 تەڭگە كولەمىندە ايىپپۇل سالىندى.
قۇقىقبۇزۋشىلار اتىراۋ وبلىسى پوليتسيا دەپارتامەنتىنىڭ قىزمەتكەرلەرى ءدىن ىستەر باسقارماسىنىڭ قىزمەتكەرلەرىمەن بىرلەسىپ, وبلىس بويىنشا زاڭسىز ءدىني ماتەريالداردىڭ تارالۋى جانە ساتىلۋىنىڭ الدىن الۋ ماقساتىندا وتكىزىلگەن رەيدتىك ءىس-شارا كەزىندە انىقتالدى. ماسەلەن, 1989 جىلى تۋعان ازاماتشا ساۋدا ويىن-ساۋىق ورتالىعىنداعى جارمەڭكەدە 4 ءدىني وقۋلىق پەن ەلەكتروندى كىتاپتار ساتىپ تۇرعان.
سونداي-اق, اتىراۋ وبلىسى پوليتسيا دەپارتامەنتىنىڭ قىزمەتكەرلەرى ءدىن ىستەر باسقارماسىنىڭ قىزمەتكەرلەرىمەن بىرلەسىپ, الەۋمەتتىك جەلىلەردە مونيتورينگ جاساۋ بارىسىندا «ۆكونتاكتە» الەۋمەتتىك جەلىسىندەگى ءوزىنىڭ جەكە پاراقشاسىنا قازاقستان اۋماعىندا تاراتۋعا تيىم سالىنعان ءدىني تۇرعىداعى ماتەريالداردى جاريالاعان 1989 جىلى تۋعان ەر ادامدى انىقتادى. سول سياقتى 1988 جىلى تۋعان قالا تۇرعىنى «فەيسبۋك» الەمەتتىك جەلىسىندەگى ءوزىنىڭ جەكە پاراقشاسىنا قازاقستان رەسپۋبليكاسىنىڭ زاڭناماسىمەن تىيىم سالىنعان ءدىني ادەبيەتتى جانە ءدىني مازمۇنداعى ماتەريالداردى ەركىن قولدانىستا بولۋعا جول بەرگەنى بەلگىلى بولدى.
انىقتالعان ءۇش تۇلعاعا قاتىستى اقبتك-ءنىڭ 490 بابى 1-ءبولىمىنىڭ 3-تارماعى بويىنشا اكىمشىلىك حاتتامالار تولتىرىلىپ, جيناقتالعان ءىس-قۇجات اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنا جولداندى. جوعارىدا اتاپ كەتكەندەي, اتالعان تۇلعالاردىڭ ارقايسىسىنا سوتپەن 102 095 تەنگەدەن ايىپپۇل سالىندى.
