«سپورت سەكتسيالارىنان باستاپ وليمپيادالىق رەزەرۆتى قالىپتاستىرۋعا دەيىنگى بارلىق دەڭگەيدەگى سپورتشىلاردى دايارلاۋ جۇيەسىندە كەشەندى ۇلكەن وزگەرىستەر قاجەت. بۇگىنگى تاڭدا ءبىزدىڭ الدىمىزدا ۇلكەن مىندەت تۇر. ول دەگەنىمىز ينفراقۇرىلىمدى دامىتۋ, جارىستار مەن دايىندىق جيىندارىنىڭ كۇنتىزبەسىن جۇيەلەۋ, كاسىبي جانە بۇقارالىق سپورتتى قارجىلاندىرۋدا تەڭگەرىم ورناتۋ.
سونىمەن قاتار بارلىق دەڭگەيدەگى سپورت مەكتەپتەرىن جاساقتاۋدى, تورەشىلەردى, جاتتىقتىرۋشىلاردى, سپورت دارىگەرلەرىن جانە تاعى باسقالاردى قوسا العاندا, سپورتتى دامىتۋدىڭ باعدارلامالىق پايىمىن قالىپتاستىرۋ. وسى ورايدا سپورتتى دامىتۋ باعدارلاماسىن ازىرلەپ, پرەزيدەنتپەن كەلىسىپ, ونى ىسكە اسىرۋعا كىرىسەمىز.
وعان قوسا سپورتشىلاردى كەلەسى «پاريج-2024» جانە «ميلان-2026» وليمپيادا ويىندارىنا دايىنداۋدىڭ ەكى قوسالقى باعدارلاماسى بار», دەدى داۋرەن اباەۆ.
سونداي-اق, مينيستر سپورتتى دامىتۋ شاراسىنا تىكەلەي ءوزى جاۋاپ بەرەتىنىن ايتتى.
«مينيسترلىك ولاردى ىسكە اسىرۋ ءۇشىن تولىق جاۋاپكەرشىلىكتى ءوز موينىنا الۋعا دايىن. سپورتتى دامىتۋدىڭ باعدارلامالىق كوزقاراسىن دايىنداۋداعى العاشقى قادام - سپورتشىلاردى دايارلاۋدىڭ بۇكىل جۇيەسىنىڭ جاي-كۇيىن تاۋەلسىز كەشەندى تەكسەرۋ بولۋعا ءتيىس. جاۋاپتى ۆيتسە-مينيستردەن ونى ۇيىمداستىرۋ جونىندە ۇسىنىستار دايىنداۋدى سۇرايمىن», دەيدى ول.
