جوبانىڭ نەگىزىن قالاۋشىسى مەن مەنەدجەرى دوسجان ءجۇسىپوۆ بۇل جەتىستىك بۇكىل ۇجىمنىڭ ەڭبەگى ەكەنىن اتاپ ءوتىپ, كومپانيانىڭ الدىندا ەلىمىزدىڭ بارلىق ينسۋلت ورتالىقتارىندا بۇل باعدارلامانى قوسۋ بويىنشا ۇلكەن مىندەت تۇرعانىن مالىمدەدى.
ء«بىزدىڭ كوماندامىز يننوۆاتسيالىق ءونىم جاساپ قانا قويماي, ينسۋلتكە قاتىستى قالىپتاسقان پاراديگمانى وزگەرتىپ جاتقانىنا سەنىمدىمىن. ءبىز ادامداردىڭ قيىن جاعدايلارعا دايىن بولعانىن قالايمىز. ول ءۇشىن ءبىزدىڭ كوماندا «ينسۋلت» قايىرىمدىلىق قورىن ۇيىمداستىردى. ءبىز ينسۋلتتان بولاتىن ءولىمدى ازايتۋعا ۇلەس قوسقىمىز كەلەدى», دەدى دوسجان ءجۇسىپوۆ.
بيىل EY بايقاۋدى پاندەميا قيىندىقتارىنا قاراماستان, ءوز بيزنەسىن دامىتۋدى جالعاستىرعان كاسىپكەرلەرگە ارنادى. ەسكە سالايىق, بايقاۋدىڭ ۇلتتىق كەزەڭى 2007 جىلدان باستاۋ الادى. سودان بەرى بايقاۋعا ەكونوميكانىڭ ءتۇرلى سالالارى مەن ەلىمىزدىڭ وڭىرلەرىنەن 800 وتاندىق كاسىپكەر قاتىسقان.
ەسكە سالا كەتەيىك, Astana Hub – IT-ستارتاپتارعا ارنالعان حالىقارالىق تەحنوپارك. Astana Hub تمد ەلدەرىنەن ستارتاپتار جانە IT-كومپانيالاردى تارتۋمەن جانە لوكاليزاتسيالاۋمەن, تەحنولوگيالىق كاسىپكەرلىكتى تانىمال ەتۋمەن جانە جەرگىلىكتى مامانداردى, ستارتاپتار مەن IT-كومپانيالاردى دامىتۋمەن, سونداي-اق وتاندىق IT قىزمەتتەرى مەن ونىمدەرىنىڭ ەكسپورتىن دامىتۋمەن اينالىسادى, دەيدى Astana Hub ءباسپاسوز قىزمەتى PR جانە ماركەتينگ ءبولىمىنىڭ اعا مەنەدجەرى التىنگۇل جاڭاباي.
