اتاپ ايتقاندا, «بولاشاق» باعدارلاماسىمەن ىرىكتەۋدەن وتكەن ستۋدەنتتەردىڭ شامامەن 30 پايىزىنا ۆيزا بەرۋدەن باس تارتىلادى. وسىعان بايلانىستى ولاردى باسقا وقۋ ورىندارىنا نەمەسە وزگە ەلدەرگە قايتا باعىتتاۋ شارالارى جۇرگىزىلەدى.
ءمينيستردىڭ سوزىنشە, بۇل جاعداي اقش-قا قابىلداناتىن ستۋدەنتتەر سانىنىڭ قىسقارۋىنا اسەر ەتىپ وتىر.
سونىمەن قاتار قازاقستانعا شەتەلدىك ستۋدەنتتەردىڭ قىزىعۋشىلىعى ارتىپ كەلەدى. اسىرەسە تاياۋ شىعىس ەلدەرىنەن تالاپكەرلەر بەلسەندى تۇردە كەلىپ, Cardiff University جانە Heriot-Watt University سياقتى شەتەلدىك جوعارى وقۋ ورىندارىنىڭ فيليالدارىنا تۇسۋدە.
شەتەلدىك تالاپكەرلەر ءۇشىن ارنايى studyin.kz پورتالى جۇمىس ىستەيدى. قازىرگى تاڭدا وندا 24 اگەنتتىك كومپانيا تىركەلگەن. الداعى ءۇش جىلدا قازاقستان 100 مىڭعا جۋىق شەتەلدىك ستۋدەنتتى قابىلداۋدى جوسپارلاپ وتىر.
مىسىر ۆيزاسى قىمباتتادى: قازاقستان ازاماتتارى ءۇشىن جاڭا تاريف ەنگىزىلمەك
ايتا كەتەيىك, «بولاشاق» – قازاقستاندىق ستۋدەنتتەردىڭ شەتەلدە ءبىلىم الۋىنا مۇمكىندىك بەرەتىن مەملەكەتتىك ستيپەنديالىق باعدارلاما.
