QR تولەمدى بەلسەندى قولدانعانداردىڭ ىشىندە الماتى قالاسىنىڭ تۇرعىندارى كوش باستاپ تۇر, ەكىنشى ورىندا – قاراعاندىلىقتار, ودان كەيىنگى تىزىمدە – استانالىق تۇرعىندار (تيىسىنشە 72 052, 63 278, 54 354).
QR كودتىڭ كومەگىمەن مەملەكەتتىك قىزمەتتەردىڭ باج الىمىن ەڭ از تولەگەندەر – اتىراۋ مەن سولتۇستىك قازاقستان وبلىسىنداعى تۇتىنۋشىلار (23 080 جانە 23 449 رەت).
«سەرۆيس ەنگىزىلگەن ساتتەن باستاپ, ءبىز وڭ وزگەرىستەر بايقاپ وتىرمىز – كليەنتتەر ۋاقىتىن ۇنەمدەپ, وپەراتوردىڭ الدىندا وتىرىپ-اق قىزمەت اقىسىن تولەپ ءجۇر. كاسسالاردىڭ جۇكتەمەسى تومەندەدى. سونداي-اق QR كود ارقىلى تولەم جاسالعاندا كوميسسيا الىنبايدى. وسىنىڭ بارلىعى بىزگە تاياۋ ۋاقىتتا حقو-داعى كاسسالاردىڭ سانىن ۇشتەن بىرگە دەيىن قىسقارتۋعا مۇمكىندىك بەرەدى», دەپ اتاپ ءوتتى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ءادىل قوجىقوۆ.
ەسكە سالا كەتەيىك, مەملەكەت باسشىسى 2021 جىلعى قىركۇيەكتەگى جولداۋىندا مەملەكەتتىك قىزمەتتەردى الۋ كەزىندەگى پروبلەمالارعا نازار اۋدارىپ, بۇل پروتسەستەردى تولىعىمەن تسيفرلاندىرۋدى تاپسىرعان بولاتىن. QR كود ارقىلى تولەم جاساۋ سياقتى سەرۆيستەر ازاماتتاردىڭ مەملەكەتتىك قىزمەتتەردى الۋ رەتىن جەڭىلدەتۋگە كومەكتەسەدى.
قازىر QR كودتىڭ كومەگىمەن 146 ءتۇرلى مەملەكەتتىك قىزمەتتىڭ اقىسىن تولەۋگە بولادى. بولاشاقتا بۇل ءتىزىم تولىقتىرىلادى. QR كود ارقىلى مەملەكەتتىك باج الىمىن تولەۋ Kaspi جانە Halyq Homebank ءموبيلدى قوسىمشالارى ارقىلى قولجەتىمدى.
