مينيسترلىك وكىلدەرىنىڭ ايتۋىنشا, زاڭنامالىق دەڭگەيدە وزەكتى باعىتتار بويىنشا گرانتتاردى حالىقتىڭ قاجەتتىلىكتەرىنە باعىتتاۋعا, گرانتتىق تاقىرىپتاردى ىرىكتەۋدىڭ ءتيىستى تەتىگىن قامتاماسىز ەتۋگە, قارجىلاندىرۋدى رەتتەۋگە جانە اكىمشىلىك پروتسەستەرىن جاقسارتۋعا مۇمكىندىك بەرەتىن گرانتتاردى جوسپارلاۋدىڭ جاڭا فورماتىن ەنگىزۋ كوزدەلگەن.
تالقىلاۋ بارىسىندا مەملەكەتتىك الەۋمەتتىك تاپسىرىستىڭ وزەكتى ماسەلەلەرى دە قوزعالدى. سپيكەرلەردىڭ ايتۋىنشا, قۇقىق قولدانۋدىڭ ءالسىز تاجىريبەسى بىرنەشە جىلدان بەرى جالعاسۋدا. مەملەكەتتىك الەۋمەتتىك تاپسىرىس سالاسىنداعى زاڭناما تەوريالىق دەڭگەيدە جوبالاردىڭ جاريالىلىعى مەن اشىقتىعىن قامتاماسىز ەتەتىنىنە قاراماستان, ءىس جۇزىندە جوبالاردى ساپاسىز جوسپارلاۋ فاكتىلەرى ارتىپ كەلەدى.
اتالعان تەڭگەرىمسىزدىكتى شەشۋ ءۇشىن اقپارات جانە قوعامدىق دامۋ مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ, بارلىق مەملەكەتتىك ورگاندار ءۇشىن, جاريا تالقىلاۋلار وتكىزۋ ءۇشىن بىرىڭعاي الاڭ ەنگىزۋ ماسەلەسىن پىسىقتاۋدا. سونىمەن قاتار قوعام وكىلدەرى الەۋمەتتىك جوبالار تاقىرىپتارىن قالىپتاستىرۋ بويىنشا جاڭا ۇسىنىستارىن ءبىلدىردى. قاتىسۋشىلار ۇەۇ-نى مەملەكەتتىك قارجىلاندىرۋ سالاسىنداعى تۇيتكىلدى ماسەلەلەردى شەشۋ ءۇشىن ۇسىنىمدار ايتىپ, پروبلەمالاردى شەشۋ تاسىلدەرىن ۇسىندى.
ءوز كەزەگىندە ايتىلعان ۇسىنىستار قارجىلىق قولداۋ تەتىكتەرىن جەتىلدىرۋ جونىندەگى زاڭنامالىق نورمالاردى ازىرلەۋ كەزىندە ەسكەرمەك. وسىعان ۇقساس الاڭدى الەۋمەتتىك جوبالاردى مونيتورينگىلەۋ جانە باعالاۋ تاقىرىبىنا ارناپ وتكىزۋ جوسپارلانۋدا.
